சென்னை: நடிகர் சிலம்பரசன் தனது அடுத்த படத்தை அறிவித்துள்ளார். இது தொடர்பான போஸ்டர் ரசிகர்களின் கவனத்தை ஈர்த்துள்ளது. போஸ்டர் எப்படி? – முன்னதாக தனது X தளப் பக்கத்தில் பதிவிட்ட சிம்பு, “தம் + மன்மதன் + வல்லவன் + விண்ணைத் தாண்டி வருவாயா, ஜென் ஜி மோட்” என்று பதிவிட்டிருந்தார்.
அவர் கூறியது போல், ஒரு கையில் கருப்பு ஒயரும், ‘தம்’ படத்தின் கைரேகை, மற்றொரு கையில் கர்சீஃப் என 90-களின் குழந்தைகளால் பார்க்கப்பட்ட சிம்பு, தற்போதைய தலைமுறைக்கு ஏற்றவாறு மீண்டும் வந்துள்ளார். பளபளப்பான போஸ்டர் மற்றும் சிம்புவின் தோற்றம் ரசிகர்களின் கவனத்தை ஈர்த்துள்ளது.
மேலும் இதுதொடர்பான போஸ்டரை வெளியிட்டுள்ள சிம்பு, “கட்டம் கட்டி காற்றோம்” என பதிவிட்டுள்ளார். சிம்புவை பொறுத்தவரை தேசிங்கு பெரியசாமியின் ‘எஸ்டிஆர்48’ படத்தில் நடித்து வருகிறார்.
கமலுடன் இணைந்து ‘தக் லைப்‘ படப்பிடிப்பை முடித்துள்ளார். அடுத்ததாக அஸ்வத் மாரிமுத்து இயக்கத்தில் ‘ஓ மை காட்’ படத்தில் நடிக்கிறார். இப்படத்தின் போஸ்டர் தற்போது வெளியாகியுள்ளது. ஏஜிஎஸ் புரொடக்ஷன்ஸ் சார்பில் அர்ச்சனா கல்பாத்தி இந்தப் படத்தைத் தயாரிக்கிறார்.
படத்தின் தலைப்பு அறிவிக்கப்படவில்லை. மேலும், நடிக்கும் நடிகர்கள் குறித்த அறிவிப்பும் வெளியாகவில்லை.
