நடிகர் தனுஷ் தனது 52-வது படத்தை இயக்கி நடித்து வருகிறார். இதை டான் பிக்சர்ஸ் மற்றும் தனுஷின் வுண்டர்பார் இணைந்து தயாரிக்கிறது.
ஜி.வி.பிரகாஷ் இசையமைத்துள்ளார். இதில் கதாநாயகியாக நித்யா மேனன் நடிக்கிறார். பிரகாஷ் ராஜ், ஷாலினி பாண்டே உள்ளிட்ட பலர் நடிக்கின்றனர். இந்த படத்தின் படப்பிடிப்பு தற்போது தேனியில் நடந்து வருகிறது.
இப்படத்திற்கு ‘இட்லி கடை‘ என்று தலைப்பு வைக்கப்பட்டுள்ளது. ‘பா.பாண்டி’, ‘ராயன்’ மற்றும் ‘நிலவுக்கு என் மேல் என்னடி கோபம்’ படத்திற்கு பிறகு தனுஷ் இயக்கும் படம் இது.
படம் பற்றி தயாரிப்பாளர் ஆகாஷ் பாஸ்கரன் கூறும்போது, “தனுஷின் திருச்சிற்றம்பலம், யாரடி நீ மோகினி போன்ற குடும்ப உணர்வு, ஆக்ஷன், ரொமான்ஸ் காட்சிகள் அடங்கிய படம் இது. ரசிகர்களுக்கு நிச்சயம் பிடிக்கும்,” என்றார்.
