‘அமரன்’ படத்தைப் பார்த்து திரையுலகைச் சேர்ந்த பல்வேறு தரப்பினரும் பாராட்டுகளைத் தெரிவித்து வருகின்றனர். தற்போது படத்தை பார்த்த சிம்பு பாராட்டியுள்ளார். “அமரனை நான் மிகவும் ரசித்தேன். ராஜ்குமார் மற்றும் குழுவினரின் அற்புதமான படம். சிவகார்த்திகேயன் மற்றும் சாய் பல்லவி இருவரும் பிரமாதமாக நடித்துள்ளனர் மற்றும் திரைக்கு மிக ஆழமான ஈடுபாட்டை கொடுத்துள்ளனர்.
கமல்ஹாசன் மற்றும் மகேந்திரன் உயர் தயாரிப்பு மதிப்பீடுகளுக்கு நன்றி. ஜி.வி.பிரகாஷின் இசை ஒவ்வொரு காட்சியையும் உயர்த்துகிறது. எடிட்டர் கலைவாணன், கண்கவர் காட்சியமைப்பிற்கு ஒளிப்பதிவாளர் சாய் மற்றும் பரபரப்பான ஸ்டண்ட் காட்சிகளுக்காக அன்பரிவ் மாஸ்டர்ஸ் ஆகியோருக்கு சிறப்புப் பாராட்டுகள்.
ஒரு உண்மைச் சம்பவத்தைத் தழுவி, தனித்துவமான கலைநயத்துடன் ராஜ்குமார் உருவாக்கியதைப் பாராட்டலாம். அவரது கடின உழைப்பும் ஒவ்வொரு நிமிடமும் கவனமும் இந்தக் கதைக்கு உயிர் கொடுத்துள்ளது. ஒட்டுமொத்த படக்குழுவினருக்கும் வாழ்த்துகள்.” இவ்வாறு அவர் கூறினார்.
ராஜ்குமார் பெரியசாமி இயக்கத்தில் சிவகார்த்திகேயன், சாய் பல்லவி நடித்துள்ள படம் அமரன். தமிழகம் மட்டுமின்றி ஆந்திரா, கேரளாவிலும் ‘அமரன்’ படம் பெரும் வரவேற்பை பெற்றுள்ளது. வெளிநாட்டில் ‘அமரன்’ படம் வட அமெரிக்காவில் 1 மில்லியன் டாலர்களை தாண்டி சாதனை படைத்துள்ளது.
