சென்னை: பிரதமர் நரேந்திர மோடிக்கு நடிகர் ரஜினிகாந்த் பிறந்தநாள் வாழ்த்து தெரிவித்துள்ளார்.
இதுகுறித்து அவர் தனது எக்ஸ் தள பக்கத்தில் வெளியிட்டுள்ள வாழ்த்து செய்தியில், “மாண்புமிகு மற்றும் அன்பான பிரதமர் நரேந்திர மோடிக்கு எனது பிறந்தநாள் வாழ்த்துகளைத் தெரிவித்துக் கொள்கிறேன்.
எப்போதும் நல்ல ஆரோக்கியத்துடனும் மகிழ்ச்சியுடனும் இருக்க இறைவனை பிரார்த்திக்கிறேன்” என்று ரஜினி கூறியுள்ளார். முன்னதாக நடிகர் விஜய் பதிவிட்டுள்ள வாழ்த்து செய்தியில், “பிரதமர் நரேந்திர மோடிக்கு எனது மனமார்ந்த பிறந்தநாள் வாழ்த்துக்களை தெரிவித்து கொள்கிறேன்.
நீண்ட ஆயுளும், மகிழ்ச்சியும், நல்ல ஆரோக்கியமும் பெற பிரார்த்திக்கிறேன்” என்று கூறியுள்ளார்.
