கமல்ஹாசன் மற்றும் பலர் நடிப்பில் ஷங்கர் இயக்கத்தில் அனிருத்தின் இசையில் ‘இந்தியன் 2’ படத்தை லைகா புரொடக்ஷன்ஸ் தயாரித்துள்ளது. இப்படத்தின் படப்பிடிப்பு ஜூலை 12ஆம் தேதி வெளியாகும் என அதிகாரப்பூர்வமாக அறிவிக்கப்பட்டுள்ளது.
இப்படத்தின் ட்ரெய்லர் சமீபத்தில் வெளியாகி இணையத்தின் கவனத்தை ஈர்த்துள்ளது. அதேபோல் படத்தின் பாடல்களும் வெளியாகி கலவையான விமர்சனங்களை பெற்றுள்ளது. முதல் பாகத்தில் காலத்தால் அழியாத பல பாடல்களை ஏ.ஆர்.ரஹ்மான் கொடுத்திருந்தார். அதில் ஒரு உலகளாவிய தன்மை இருந்தது. ஆனால் இரண்டாம் பாகத்திற்கு அனிருத் கொடுத்துள்ள பாடல்கள் வெறும் ஒலிக் குவியலாக இருப்பதாக விமர்சனங்கள் எழுந்துள்ளன.
இந்நிலையில் இந்தியன் 2 படத்தில் ஏ.ஆர்.ரஹ்மானுக்கு பதிலாக அனிருத்தை ஏன் பயன்படுத்தினார்கள் என்ற கேள்விக்கு கமல்ஹாசன் பதிலளித்துள்ளார்.
அதில், “இந்த முடிவை இயக்குனர் ஷங்கர் எடுத்தார். ஆனால் என்னைக் கேட்டால் நான் இளையராஜா மற்றும் ரஹ்மானின் ரசிகன். இளையராஜா இசையை 40 வருடங்களாகவும், ரஹ்மான் இசையை 30 வருடங்களாகவும் கேட்டுக் கொண்டிருக்கிறேன். தற்போது அனிருத் வந்துள்ளார். கூடிய விரைவில் அவருடைய ரசிகனாக மாறுவேன் என்று நம்புகிறேன்” என்றார்.
