கமல்ஹாசன் நடித்த இந்தியன் 2 திரைப்படம் ஜூலை 12ஆம் தேதி வெளியாகி முதல் நாளில் உலகம் முழுவதும் 55 கோடிகளை மட்டுமே வசூலித்ததாக கூறப்பட்டது. இந்நிலையில், படம் இரண்டாம் நாளில் பெரும் சரிவை சந்தித்துள்ளதாக தகவல்கள் வெளியாகியுள்ளன
இந்தப் படத்துக்கு எதிர்மறையான கருத்துகள் பதிவாகியுள்ள நிலையில், யூடியூப்பில் வீடியோவைப் பார்க்கும் உணர்வு இந்தப் படத்தைப் பார்ப்பது போன்றே இருப்பதாகவும் கூறப்பட்டது. ‘இந்தியன் 2’ திரைப்படம் தமிழகத்தில் முதல் நாளில் ரூ.13 கோடியும், உலகம் முழுவதும் ரூ.55 கோடியும் வசூலித்ததாக கூறப்பட்ட நிலையில், இந்தியன் 2 இரண்டாவது நாளில் ரூ.16 கோடி மட்டுமே வசூலித்துள்ளதாக தகவல் வெளியாகியுள்ளது.
அதேபோல் இந்த படம் 100 கோடியை தொடுவது கூட கடினம் என்று கூறப்படுகிறது. மேலும் படத்தின் பட்ஜெட் ரூ.300 கோடியாக இருப்பதால் செலவு செய்த தொகையை வசூலிக்க வாய்ப்பில்லை என்றும் கோலிவுட் வட்டாரங்கள் தெரிவிக்கின்றன.
‘இந்தியன் 2’ படத்தின் நீளம் ஒரு குற்றச்சாட்டாக இருந்த நிலையில், தற்போது படத்தின் நீளம் 20 நிமிடங்கள் குறைக்கப்பட்டுள்ளது. ஆனால், படம் எதிர்பார்த்த வரவேற்பைப் பெறவில்லை.
