கமல்ஹாசன் மற்றும் ஷங்கர் இணைந்த “இந்தியன்” தொடரில் மூன்றாம் பாகம் குறித்த தகவல் வெளியாகி, அது ரசிகர்களிடையே பெரும் எதிர்பார்ப்பை உருவாக்கியுள்ளது. இந்தியன் 2 படம் இரண்டு பாகங்களாக எடுக்கப்பட்டது. ஆனால் வெளியான இரண்டாம் பாகம் ரசிகர்களின் விமர்சனங்களை சந்தித்து தோல்வியடைந்தது. இதனால் இந்தியன் 3 உருவாவதில் சந்தேகம் எழுந்தது. இருப்பினும், ஏற்கனவே 80 சதவீத காட்சிகள் படமாக்கப்பட்டுள்ளதால், படத்தை முடிக்க மிகக் குறைந்த வேலை மட்டும் இருப்பதாக தகவல்கள் தெரிவிக்கின்றன.
லைகா மற்றும் ஷங்கர் இருவரும் இந்தியன் 3 முடிக்க தயாராக உள்ளனர். ஆனால் கமல்ஹாசன் தற்போது பல வேலைகளில் மூழ்கியுள்ளார். அவர் லோகேஷ் கனகராஜ் இயக்கத்தில் ரஜினிகாந்துடன் நடிக்கவிருக்கும் படத்திற்கும் ஒப்பந்தமாகியுள்ளார். அதோடு, அவர் ராஜ்யசபா எம்.பியாகவும் பிஸியாக உள்ளார். இதனால், மீதமுள்ள படப்பிடிப்பிற்கு கால்ஷீட் ஒதுக்க முடியுமா என்ற கேள்வி எழுந்துள்ளது.
இந்நிலையில், கமல் இந்தியன் 3 மீது கவனம் செலுத்த வேண்டும் என்று ரசிகர்கள் வலியுறுத்தி வருகின்றனர். ஏற்கனவே இந்தியன் 2 ப்ரோமோஷன் நிகழ்ச்சியிலேயே கமல், இந்தியன் 3 படத்தை தான் ஆவலுடன் எதிர்பார்க்கிறேன் என தெரிவித்துள்ளார். இதனால் ரசிகர்களும், படக்குழுவும் படத்தை பெரிய வெற்றி படமாக்க முடியும் என்ற நம்பிக்கையில் உள்ளனர்.
எல்லாம் நல்லபடியாக நடந்தால் இந்தியன் 3 வெளியீடு மிகப்பெரிய வெற்றியைத் தரும் என்ற எதிர்பார்ப்பு நிலவுகிறது. கமல் – ஷங்கர் இருவருக்கும் தற்போதைய கட்டத்தில் வெற்றி மிகவும் அவசியமான ஒன்று. இந்தியன் 3 தான் அந்த வெற்றியைத் தரும் படமாக இருக்கும் என ரசிகர்கள் நம்பிக்கையுடன் கூறி வருகின்றனர்.
