சென்னை: தென்னிந்திய சமூக ஊடகங்களில் செல்வாக்கு செலுத்துபவர்கள் சங்கமான சிஸ்மியா சென்னையில் தொடங்கப்பட்டுள்ளது. அதன் தலைவர் பாடலாசிரியர் விவேகா, செயலாளர் எல்என்எச் கிரியேஷன்ஸ் கே.லட்சுமி நாராயணன் ஆகியோர் செய்தியாளர்களை சந்தித்தனர். அப்போது விவேகா கூறுகையில், ‘சமூக வலைதளங்களில் செல்வாக்கு செலுத்துபவர்கள் தங்களது திறமையை மூலதனமாக கொண்டு செயல்படுகின்றனர்.
அவர்களை தாயின் அரவணைப்புடன் அரவணைப்பதற்காக இந்த சங்கம் தொடங்கப்பட்டுள்ளது. ஒரு சாதாரண மனிதனைக் கூட சமூக ஊடகங்கள் மூலம் மேலே கொண்டு செல்ல முடியும். இது ஒரு கூர்மையான கத்தி. நேர்மையாகப் பயன்படுத்தினால், பல சாதனைகளைச் செய்ய முடியும். சமுதாயத்தில் நல்ல மாற்றங்களை ஏற்படுத்தவே இந்த அமைப்பு தொடங்கப்பட்டுள்ளது’ என்றார்.
சமூக ஊடகங்களில் செல்வாக்கு செலுத்துபவர்களை ஒருங்கிணைத்து அவர்களின் உரிமைகள் மற்றும் பாதுகாப்பை உறுதி செய்தல், புதிய வேலை வாய்ப்புகளை உருவாக்குதல், பயிற்சி முகாம்களை ஏற்பாடு செய்தல், நலத்திட்டங்களைப் பெறுவதற்கு மத்திய மற்றும் மாநில அரசுகளுடன் பேச்சுவார்த்தை நடத்துதல் ஆகியவை இந்த சங்கத்தின் நோக்கங்களாகும்.
