சென்னை: ஜீவா, ப்ரியா பவானி சங்கர் மற்றும் பலர் முக்கிய வேடங்களில் நடித்துள்ள ‘பிளாக்’ இயக்குனர் கே.ஜி. பாலசுப்ரமணி. நீண்ட நாட்களுக்கு பிறகு நடிகர் ஜீவாவுக்கு இப்படம் ஹிட் ஆனது. இப்படத்தை தொடர்ந்து பாடலாசிரியர் பா.விஜய் இயக்கும் புதிய படத்தில் நடிக்கவுள்ளார் ஜீவா.
உலகப்புகழ் பெற்ற ‘ஏஞ்சல்ஸ் வெர்சஸ் டெவில்’ கதைக்களத்தில் உருவாகும் படத்துக்கு ‘அகத்திய’ எனப் பெயரிடப்பட்டுள்ளது. இந்த ஹாரர் த்ரில்லர் படத்தை வேல்ஸ் பிலிம் இன்டர்நேஷனல் நிறுவனம் தயாரிக்கிறது. இதில் அர்ஜுன், ராஷி கண்ணா மற்றும் பலர் நடித்துள்ளனர். இதற்கான டைட்டில் போஸ்டரை படக்குழு வெளியிட்டுள்ளது.
இப்படம் தமிழ், தெலுங்கு, ஹிந்தி ஆகிய மொழிகளில் ஜனவரி 31-ம் தேதி திரையரங்குகளில் வெளியாகிறது. படத்தைப் பற்றி பேசிய தயாரிப்பாளர் ஐசரி கணேஷ், “அகத்தியா மூலம், ஹாரத்-த்ரில்லர் அனுபவத்தை அடுத்த கட்டத்திற்கு கொண்டு செல்கிறோம்.
தனித்துவமான திரைக்கதையுடன், இதுவரை கண்டிராத பிரமாண்டமான காட்சியமைப்புடன், மார்வெல் திரைப்படங்களைப் போல சாகச உலகத்துடன், பார்வையாளர்களை கண்டிப்பாக வேறு உலகத்திற்கு அழைத்துச் செல்லும் ஒரு திரைப்படத்தை பார்வையாளர்களுக்கு வழங்குவதே எங்கள் குறிக்கோள்.”
