நாக் அஸ்வின் இயக்கத்தில் பிரபாஸ், அமிதாபச்சன், தீபிகா படுகோன் உள்ளிட்ட முன்னணி நட்சத்திரங்கள் நடித்த கல்கி திரைப்படத்தின் முதல் பாகம் கடந்த வியாழக்கிழமை வெளியானது. இந்த திரைப்படம் வெளியான முதல் நாளிலிருந்து உலக அளவில் நல்ல வசூலை ஈட்டி வருகிறது. இந்த நிலையில் முதல் நான்கு நாட்களில் கல்கி 2898AD திரைப்படம் 555 கோடி வசூல் செய்ததாக படக்குழு அறிவித்திருக்கிறது.
/indian-express-tamil/media/media_files/Q6DNDQUat0HM36qm3G8b.jpg)
உலகளவில் 555 கோடி ரூபாய் வசூல் செய்திருக்கும் இந்த திரைப்படம் தமிழகத்தைப் பொறுத்தவரை முதல் நாளில் 5 கோடியும், இரண்டாவது நாள்4 கோடியும், மூன்றாவது நாள் 5, கோடியும் 6 வது நாள் 6 கோடியும் வசூல் செய்திருப்பதாக கூறப்படுகிறது. பிரபாஸ் நடிப்பில் இறுதியாக வெளியான சலார் திரைப்படம் தமிழகத்தில் மொத்தமாக 25 கோடி ரூபாய் வசூல் செய்திருந்தது.
இந்த நிலையில் கல்கி 2898AD திரைப்படம் வெளியான 4 நாட்களிலேயே 20 கோடி ரூபாய் வசூலை தமிழகத்தில் தாண்டி உள்ளது குறிப்பிடத்தக்கது.
