உலக நாயகன் கமல்ஹாசன் நடிப்பில், அனிருத் இசையமைத்துள்ள ‘இந்தியன் 2’ திரைப்படத்தை லைகா நிறுவனம் தயாரித்துள்ளது. இப்படத்தின் படப்பிடிப்பு ஜூலை 12ஆம் தேதி வெளியாகும் என அதிகாரப்பூர்வமாக அறிவிக்கப்பட்டுள்ளது. இந்த படத்தின் சென்சார் சமீபத்தில் முடிவடைந்தது. படத்தின் ரன்னிங் டைம் 3 மணி 4 நிமிடம் என தகவல்கள் தெரிவிக்கின்றன.
மேலும், படத்திற்கு யுஏ சான்றிதழ் வழங்கப்பட்டுள்ளதாக செய்திகள் வெளியாகியுள்ளன. இதையடுத்து படத்தின் புரமோஷன் பணிகள் விறுவிறுப்பாக நடந்து வருகிறது. இன்று செய்தியாளர்கள் சந்திப்பில் பேசிய கமல்ஹாசன், “திரைப்படங்களில் கெட்ட வார்த்தைகளைத் தடை செய்வதால் என் பிள்ளைகள் தெருக்களில் கெட்ட வார்த்தைகளைக் கேட்பதைத் தவிர்ப்பார்களா?
அந்த வார்த்தைகளை நாம் தினமும் கேட்கிறோம். எந்த வார்த்தை நல்ல வார்த்தை, எது கெட்ட வார்த்தை என்பதை சூழலே தீர்மானிக்கிறது.வன்முறைய வலிக்கின்ற மாதிரி காட்டினால்தான் அது நம் வாழ்க்கையில் நிகழாது” எனக் கூறியுள்ளார்.
