பிரபல நடிகையும் பாஜக எம்.பி.யுமான கங்கனா ரனாவத், இந்தி மட்டுமல்லாது தமிழ் மற்றும் தெலுங்கு படங்களிலும் நடித்துள்ளார். அவர் ஒரு சில படங்களையும் இயக்கியுள்ளார். இப்போது அவர் ஒரு ஹாலிவுட் படத்தில் நடிக்க உள்ளார். அனுராக் ருத்ரா இயக்கும் ஹாலிவுட் திகில் படமான ‘பிளெஸ்ட் பி தி எவில்’ படத்தில் அவர் ஒரு முக்கிய வேடத்தில் நடிக்கவுள்ளார்.
‘டீன் வுல்ஃப்’ உட்பட சில படங்களில் நடித்துள்ள ‘டெய்லர் போஸே’ மற்றும் பிரபல ஹாலிவுட் நடிகை ஸ்கார்லெட் ரோஸ் ஸ்டாலோன் ஆகியோர் இதில் முக்கிய வேடங்களில் நடிக்கின்றனர். லயன் மூவிஸ் தயாரித்த இந்தப் படம், இந்திய நாட்டுப்புறக் கதைகளை அடிப்படையாகக் கொண்டது. படப்பிடிப்பு நியூயார்க்கில் தொடங்கும் என்று படக்குழு அறிவித்துள்ளது.
