நடிகையும், மக்களவை உறுப்பினருமான கங்கனா ரனாவத் இயக்கிய படம் ‘எமர்ஜென்சி’.
முன்னாள் பிரதமர் இந்திரா காந்தியின் ஆட்சிக் காலத்தில் அறிவிக்கப்பட்ட எமர்ஜென்சியை மையமாக வைத்து இப்படம் உருவாகியுள்ளது. படத்தை இயக்குவது மட்டுமின்றி இந்திரா காந்தி வேடத்தில் கங்கனா ரனாவத் நடிக்கிறார்.
அனுபம் கெர், மஹிமா சவுத்ரி, மிலிந்த் சோமன், ஸ்ரேயாஸ் தல்பாடே உள்ளிட்ட பலர் நடித்துள்ளனர். ஜீ ஸ்டுடியோவுடன் இணைந்து மணிகர்னிகா பிலிம்ஸ் தயாரிக்கும் இப்படத்தின் படப்பிடிப்பு கடந்த ஆண்டு நிறைவடைந்தது.
இரண்டு முறை ரிலீஸ் தேதி தள்ளிப் போன நிலையில், கங்கனா புதிய ரிலீஸ் தேதியை அறிவித்துள்ளார். அதன்படி செப்டம்பர் 6-ம் தேதி வெளியாகிறது.
வெங்கட் பிரபு இயக்கத்தில் விஜய் நடித்துள்ள ‘தி கோட்’ திரைப்படம் செப்.5-ம் தேதி வெளியாகிறது. இதுவும் பான் இந்தியா படமாக வெளியாவதால் இரண்டும் ஒரே நேரத்தில் மோதுகின்றன.
‘தி கோட்’ படத்தில் விஜய்யுடன் மீனாட்சி சவுத்ரி, சினேகா, மோகன், பிரசாந்த், பிரபுதேவா ஆகியோர் நடித்துள்ளனர்.
