நடிகர் கார்த்தி, விருமன் படத்துக்குப் பிறகு தனது அண்ணன் சூர்யாவின் தயாரிப்பில் நடிக்கும் ‘மெய்யழகன்’ படத்தின் முதல் சிங்கிள் பாடலான ‘யாரோ இவன் யாரோ’ பாடல் வெளியிடப்பட்டது.
உலக நாயகன் கமல்ஹாசன் இந்த பாடலை பாடியுள்ளார். ‘மெய்யழகன்’ படத்தின் படப்பிடிப்பு முடிந்து, தற்போது போஸ்ட் புரோடக்ஷன் பணிகள் நடந்து வருகின்றன.
இந்த படத்தை 96 பட இயக்குனர் பிரேம் குமார் இயக்கியுள்ளார். மேலும் நீண்ட இடைவெளிக்குப் பின்னர் நடிகை ஸ்ரீதிவ்யா இப்படத்தில் நடித்துள்ளார். நடிகர் அரவிந்த் சாமியும் இப்படத்தில் முக்கியமான தோற்றத்தில் நடிக்கிறார்.
‘யாரோ இவன் யாரோ’ பாடலின் லிரிக்கல் வீடியோ வெளியானதும், அது ரசிகர்களின் மத்தியில் செம்ம வரவேற்பைப் பெற்றது. ‘மெய்யழகன்’ படத்திற்கு இதுவரை கிடைத்த எதிர்ப்பார்ப்பு இந்த பாடலின் மூலம் மேலும் உயரும் என எதிர்பார்க்கப்படுகிறது.
