தமிழ் சினிமாவின் முன்னணி நடிகர் தளபதி விஜய்யின் அரசியல் பயணம் புதிய கட்டத்தை எட்ட உள்ளது. கடந்த 32 வருடங்களாக தமிழ் சினிமாவில் முன்னணி கதாநாயகனாக வலம் வரும் விஜய், தற்போது தனது அரசியல் கட்சியான தமிழ்நாடு வெற்றி கழகத்தின் கொடியை ஏற்றி வைக்கும் விழாவிற்கு தயாராகி வருகிறார்.
2024ஆம் ஆண்டு அரசியல் பயணத்தை தொடங்கிய விஜய், 2026ஆம் ஆண்டு தமிழக சட்டப்பேரவைத் தேர்தலில் முதல்வர் வேட்பாளராகப் போட்டியிடப் போவதாக அறிவித்தார். இந்த அறிவிப்போடு தனது திரையுலக வாழ்க்கையையும் முடித்துக் கொள்வதாகவும் தெரிவித்துள்ளார். இந்நிலையில் இன்னும் சில தினங்களில் அவர் தனது கட்சியின் கொடியை அறிமுகம் செய்யவுள்ளார்.
அதுமட்டுமின்றி, கொடியேற்றும் நாளில், கட்சிக்கான பாடலும் வெளியிடப்படும், மேலும் அந்த பாடலின் வரிகளை பிரபல பாடலாசிரியர் விவேக் எழுத, அந்த பாடலுக்கு தமன் இசையமைத்துள்ளார்.
கடந்த சில நாட்களுக்கு முன்பு பாடலாசிரியர் விவேக் இல்ல சிறப்பு நிகழ்ச்சியில் விஜய் கலந்து கொண்டார் என்பது குறிப்பிடத்தக்கது. அந்த கூட்டத்தில் இந்த பாடல் குறித்து விவாதிக்கப்பட்டதாகவும் கூறப்படுகிறது.
