லோகேஷ் கனகராஜின் ‘மாநகரம்’, ‘கைதி’, ‘விக்ரம்’, ‘லியோ’ மற்றும் ‘கூலி’ படங்களுக்கான சண்டைக் காட்சிகளை அன்பரிவ் வடிவமைத்துள்ளார். இந்தப் படங்களின் சண்டைக் காட்சிகள் மிகவும் பிரபலமானவை. இப்போது லோகேஷ் கனகராஜ் அன்பரிவ்-க்கு நன்றி தெரிவித்து ஒரு பதிவை வெளியிட்டுள்ளார்.
அந்தப் பதிவில், “எனது இயக்குநர் வாழ்க்கையின் முதல் நாளிலிருந்து இன்று வரை அன்பறிவ் எனக்கு ஒரு தூணாக இருந்து வருகிறார். அவர்களைப் பற்றிப் பேச இதுவே சரியான நேரம். ஆரம்பத்திலிருந்தே நான் இப்போது இருக்கும் இடத்தில் அவர்கள் என்னைப் பார்க்க விரும்பினர். என் வாழ்க்கையில் நான் அடைந்த அனைத்து வெற்றிகளிலும் அவர்கள் எப்போதும் ஒரு பெரிய பங்கைக் கொண்டிருந்தனர்.
அதற்காக உங்கள் இருவருக்கும் நன்றி தெரிவிக்க விரும்புகிறேன். மேலும், நீங்கள் இயக்குனர்களாக அடுத்த கட்டத்திற்குச் செல்வதைக் காண நான் மிகவும் ஆவலாக இருக்கிறேன். நான் உங்களை என்றென்றும் நேசிக்கிறேன், மாஸ்டர்ஸ்.”
‘கூலி’ திரைப்படம் ஆகஸ்ட் 14-ம் தேதி வெளியாக உள்ளது. லோகேஷ் கனகராஜ் இயக்கியுள்ள இந்தப் படத்தில் ரஜினிகாந்த், நாகார்ஜுனா, உபேந்திரா, அமீர் கான், சத்யராஜ், ஸ்ருதி ஹாசன் மற்றும் பலர் நடிக்கின்றனர். சன் பிக்சர்ஸ் தயாரித்துள்ள இந்தப் படத்தில் அனிருத் இசையமைப்பாளராக பணியாற்றியுள்ளார்.
