மும்பை: பாலிவுட் நடிகர் கார்த்திக் ஆர்யன் நடிகை ஸ்ரீலீலாவுடன் காதலிப்பதாக தகவல் வெளியாகியுள்ளது. ‘புஷ்பா 2’ படத்தில் ஒரு பாடலைப் பாடிய ஸ்ரீலீலா, தெலுங்கு சினிமாவில் முன்னணி நடிகையாக வலம் வருகிறார். தற்போது பாலிவுட்டில் கார்த்திக் ஆர்யனுடன் ஒரு படத்தில் நடித்து வருகிறார்.
ஸ்ரீலீலா சமீபத்தில் கார்த்திக் ஆர்யனின் வீட்டில் நடந்த ஒரு குடும்ப விழாவில் கலந்து கொண்டார், அதில் நெருங்கிய குடும்ப உறுப்பினர்கள் மட்டுமே அழைக்கப்பட்டனர். இது கார்த்திக் மற்றும் ஸ்ரீலீலாவின் உறவு குறித்து திரைப்பட வட்டாரங்களில் ஊகங்களுக்கு வழிவகுத்தது. கார்த்திக் ஆர்யனை விட ஸ்ரீலீலா 11 வயது இளையவர்.
கார்த்திக் ஆர்யனுக்கு 34 வயது, ஸ்ரீலீலாவுக்கு 23 வயதுதான் ஆகிறது. கார்த்திக் ஆர்யனின் தாய் மாலா திவாரி, தனது வருங்கால மருமகள் குறித்து, “அவர் ஒரு நல்ல மருத்துவராக வேண்டும் என்பதே குடும்பத்தின் தேவை” என்று கூறியுள்ளார். இதன் மூலம் ஸ்ரீலீலாவுடன் தனது மகன் கார்த்திக்கின் உறவை மாலா உறுதி செய்துள்ளதாக கூறப்படுகிறது. காரணம் ஸ்ரீலீலா எம்பிபிஎஸ் பட்டதாரி.
