‘இந்தியாவின் எடிசன்’ என்று அழைக்கப்படும் ஜி.டி.நாயுடுவின் வாழ்க்கை வரலாற்றில் மாதவன் நடிக்கிறார். விளம்பரப் படங்களை இயக்கிய கிருஷ்ணகுமார் ராம்குமார் எழுதி இயக்குகிறார். இப்படத்தை விஜய் மூலன், ராக்கெட்ரியை தயாரித்த வர்கீஸ் மூலன் பிக்சர்ஸ் மற்றும் ஆர்.மாதவன் மற்றும் சரிதா மாதவன் இணைந்து தயாரிக்கின்றனர். படத்தின் ஒளிப்பதிவாளர் அரவிந்த் கமலநாதன், இவர் கிரியேட்டிவ் தயாரிப்பாளராகவும் பணியாற்றுகிறார்.
விஜய் மூலன் கூறும்போது, “பல்வேறு துறைகளில் சிறந்த பங்களிப்பை வழங்கிய இந்தியர்களை தற்போதைய தலைமுறையினர் அங்கீகரிக்க உதவும் திரைப்படங்களின் தேவை உள்ளது. அப்படிப்பட்ட படத்தை ‘ஜி.டி. நாயுடு- தி எடிஷன் ஆஃப் இந்தியா’. இதில் மாதவன் தவிர முன்னணி நடிகர்கள் முக்கிய வேடங்களில் நடிக்கின்றனர். அவர்கள் பற்றிய விவரங்கள் விரைவில் வெளியிடப்படும். பெரும்பாலான படப்பிடிப்பு கோவையில் நடைபெற்று வருகிறது. ஜெர்மனி உள்ளிட்ட வெளிநாடுகளிலும் படப்பிடிப்பு நடத்த திட்டமிட்டுள்ளோம். ப்ரீ புரொடக்ஷன் பணிகள் 2 வருடங்களாக நடந்து வருகிறது. இம்மாதம் கோவையில் படப்பிடிப்பு தொடங்குகிறது. வரும் 18-ம் தேதி தலைப்பு அறிவிப்போம்,” என்றார்.
