சத்யன் அந்திக்காடு இயக்கத்தில் மோகன்லால் நடித்து வரும் படம் ‘ஹிருதயபூர்வம்’. இதில் மாளவிகா மோகனன் கதாநாயகியாக நடிக்கிறார். இப்படத்தின் முதல்கட்ட படப்பிடிப்பு சமீபத்தில் நிறைவடைந்தது. இது தொடர்பாக அவர் தனது இன்ஸ்டாகிராம் பக்கத்தில் ஒரு மனதை தொடும் பதிவை வெளியிட்டுள்ளார். அதில், “மோகன்லால் சார், சத்யன் சார் போன்ற ஜாம்பவான்களிடம் இருந்து நிறைய கற்றுக்கொண்டேன், சினிமா என்ற மாயாஜாலத்தை எப்படி உயிர்ப்பிக்கிறார்கள் என்று பார்த்திருக்கிறேன்.
இதையெல்லாம் அவர்கள் மிகவும் கண்ணியத்துடனும் மரியாதையுடனும் செய்கிறார்கள். திறமையான சிலருடன் நான் பணியாற்றியுள்ளேன். தேக்கடியின் அழகிய மலைகளிலும் தேயிலைத் தோட்டங்களிலும் ஒரு மாதத்தை ஆனந்தமாக கழித்தேன். குளிர்ந்த மாலை வேளைகளில் என்னைக் குளிர வைக்க முடிவில்லா லெமன் டீ குடித்தேன். அழகான உதவி இயக்குநர்கள் குழு இல்லாமல் இந்தப் படம் இப்படி இருந்திருக்காது” என்றார்.
படப்பிடிப்பின் போது எடுக்கப்பட்ட சில புகைப்படங்களையும் பகிர்ந்துள்ளார். அதில், ரசிகர் ஒருவர் மோகன்லாலின் வயதையும், மாளவிகா மோகனின் வயதையும் குறிப்பிட்டு, “ஏன் இந்த மூத்த நடிகர்கள் தங்கள் வயதுக்கு பொருந்தாத வேடங்களில் நடிக்க ஆர்வம் காட்டுகிறார்கள்?” என்று கேட்டுள்ளார்.
இதற்குப் பதிலளித்த மாளவிகா மோகனன், “இது காதல் படம் என்று யார் சொன்னது? மக்களை மதிப்பிடுவதையும் உங்கள் அரைகுறையான, அடிப்படையற்ற அனுமானங்களை அடிப்படையாகக் கொண்ட படத்தையும் நிறுத்துங்கள்” என்று அறிவுறுத்தினார். மாளவிகாவின் இந்த கருத்து சமூக வலைதளங்களில் வைரலாகி வருகிறது.
