வடிவேலு, ஃபஹத் பாசில் நடிப்பில் உருவாகியுள்ள ‘மாரீசன்’ திரைப்படம் ஜூலை 25-ம் தேதி வெளியாகும் என படக்குழு அறிவித்துள்ளது. ‘மாமன்னன்’ படத்திற்கு பிறகு வடிவேலு, ஃபகத் பாசில் நடிப்பில் உருவாகி வரும் படம் ‘மாரீசன்’.
சுதீஷ் ஷங்கர் இயக்கத்தில் விவேக் பிரசன்னா, ரேணுகா, சித்தாரா மற்றும் பலர் நடித்துள்ளனர். வி.கிருஷ்ணமூர்த்தி கதை, திரைக்கதை, வசனம் எழுதி கிரியேட்டிவ் டைரக்டராக பணியாற்றி வருகிறார்.
இப்படத்திற்கு யுவன் ஷங்கர் ராஜா இசையமைத்துள்ளார், கலைசெல்வன் சிவாஜி ஒளிப்பதிவு செய்கிறார். சூப்பர் குட் பிலிம்ஸின் 98வது படமான இந்த படம் முடிவடைந்து ரிலீசுக்கு தயாராக உள்ளது.
இப்படத்தின் டீசர் சமீபத்தில் வெளியாகி நல்ல வரவேற்பை பெற்றது. இந்நிலையில், படம் ஜூலை 25-ம் தேதி வெளியாகும் என்று படக்குழு அறிவித்துள்ளது. கிராமத்துப் பின்னணியில் நடக்கும் பயணத் திரில்லராக இந்தப் படம் உருவாகி வருகிறது.
