சென்னை: ‘கூலி’ என்பது சன் பிக்சர்ஸின் பிரமாண்டமான தயாரிப்பு. ரஜினிகாந்த், அமீர் கான், ஸ்ருதி ஹாசன், நாகார்ஜுனா, சத்யராஜ், உபேந்திரா மற்றும் பலர் முக்கிய வேடங்களில் நடிக்கின்றனர். சன் டிவி நெட்வொர்க் தலைவர் கலாநிதி மாறன் இதை பிரமாண்டமாக தயாரிக்கிறார். அனிருத் இசையமைக்கிறார்.
லோகேஷ் கனகராஜ் எழுதி இயக்குகிறார். ‘எந்திரன்’, ‘பேட்ட’, ‘அண்ணாத்த’ மற்றும் ‘ஜெயிலர்’ படங்களின் மிகப்பெரிய வெற்றிகளுக்குப் பிறகு, ரஜினிகாந்த் – சன் பிக்சர்ஸ் இந்த படத்திற்காக மீண்டும் இணைந்துள்ளன. இதன் காரணமாக, படத்திற்கு பெரும் எதிர்பார்ப்பு உள்ளது. இந்த சூழ்நிலையில், படம் ஆகஸ்ட் 14-ம் தேதி உலகம் முழுவதும் வெளியிடப்பட உள்ளது.
படத்தின் முதல் பாடலான’ சிக்கிடு’ ஜூன் 25-ம் தேதி வெளியிடப்பட்டு மிகப்பெரிய வெற்றியைப் பெற்றது. இந்தப் பாடல் ஏற்கனவே டிரெண்டிங்கில் இருக்கும் நிலையில், ‘கூலி’ படத்தின் அடுத்த பாடலான ‘மோனிகா’ வெளியாகும் என்று அறிவிக்கப்பட்டது.
அதன்படி, இந்தப் பாடல் நேற்று மாலை இணையத்தில் வெளியிடப்பட்டது. நடிகை பூஜா ஹெக்டே இதில் நடனமாடியுள்ளார். அனிருத் இசையமைத்த இந்தப் பாடலும் வைரலாகி வருகிறது. படம் வெளியாக இன்னும் ஒரு மாதமே உள்ள நிலையில், படத்தின் பாடல்கள் சூப்பர் ஹிட் ஆகி வருவதால், ரசிகர்கள் மிகுந்த உற்சாகத்தில் உள்ளனர்.
