சிவா இயக்கத்தில் சூர்யா, பாபி தியோல், திஷா பதானி மற்றும் பலர் நடித்துள்ள படம் ‘கங்குவா’. ஸ்டுடியோ கிரீன் நிறுவனம் தயாரித்துள்ள இப்படம் நவம்பர் 14-ம் தேதி வெளியாகிறது. பல்வேறு மொழிகளில் வெளிவருவதால், சூர்யா அனைத்து மாநிலங்களுக்கும் சென்று விளம்பரம் செய்து வருகிறார். விசாகப்பட்டினத்தில் நடைபெற்ற ‘கங்குவா’ படத்தின் விளம்பர நிகழ்ச்சியில் சிறப்பு விருந்தினராக சந்தீப் கிஷன் கலந்து கொண்டார்.
இதையடுத்து சூர்யா குறித்து சந்தீப் கிஷன் ஒரு பதிவை வெளியிட்டார். சந்தீப் கிஷன், “என்னுடைய முதல் ஹீரோ சூர்யா அண்ணா. ‘வாரணம் ஆயிரம்’ படத்தில் 16-வது உதவி இயக்குநராகப் பணிபுரிந்தேன். இப்போது விசாகப்பட்டினத்தில் அவரது சொந்தக்காரர் போல் எனக்கு விருந்தளித்தார். கருணை, பணிவு மற்றும் கடின உழைப்புக்கு எப்போதும் உதாரணமாக இருப்பதற்கு நன்றி. ”
