சென்னை: “மூக்குத்தி அம்மன் 2” மற்றும் “டாக்ஸிக்” போன்ற படங்களில் நடித்து பிஸியாக இருக்கும் நயன்தாரா, தற்போது மலையாள நடிகர் நிவின் பாலியுடன் இணைந்து “Dear Students” என்ற படத்தில் நடித்துள்ளார். இந்த படத்தின் படப்பிடிப்பு வெற்றிகரமாக முடிந்ததாக படக்குழு அதிகாரப்பூர்வமாக அறிவித்துள்ளது.
நயன்தாரா மற்றும் நிவின் பாலி இணைந்து நடிப்பது ரசிகர்களிடம் பெரும் எதிர்பார்ப்பை ஏற்படுத்தியுள்ளது. ஏற்கனவே 2019ல் இருவரும் “Love Action Drama” படத்தில் நடித்திருந்தனர். அந்த படம் கலவையான விமர்சனங்களை பெற்றிருந்தாலும், நிவின்-நயன்தாரா ஜோடி ரசிகர்கள் மத்தியில் நல்ல வரவேற்பை பெற்றது. தற்போது ஆறு வருடங்கள் கழித்து மீண்டும் இணைந்துள்ள இந்த புதிய படம், ரசிகர்களை மிகுந்த எதிர்பார்ப்பில் வைத்திருக்கிறது.
“Dear Students” படத்தை சந்தீப் குமார் மற்றும் ஜார்ஜ் பிலிப் ராய் ஆகியோர் இணைந்து இயக்கியுள்ளனர். இப்படத்திற்கான தயாரிப்பை நிவின் பாலியே மேற்கொண்டுள்ளார். இப்படத்தின் கதைக்களம் பள்ளிக்கூடத்தையும், அங்கு நடக்கும் சம்பவங்களையும் மையமாகக் கொண்டு உருவாக்கப்பட்டுள்ளது.
நிவின் பாலி, கடந்த சில வருடங்களாக பெரும் வெற்றிப் படங்களை வழங்காமல் இருந்து வருகிறார். எனவே, நயன்தாராவுடன் இணைந்து, இந்த படத்தை வெற்றிப்படமாக மாற்றி, மீண்டும் சூப்பர் ஹிட் அளிக்க வேண்டும் என்ற முயற்சியில் இருக்கிறார்.
படப்பிடிப்பு முடிவடைந்த நாளில், நிவின் பாலி, நயன்தாரா, இயக்குநர்கள் மற்றும் படக்குழுவினர் அனைவரும் இணைந்து கேக் வெட்டி கொண்டாடியுள்ளனர். இந்த புகைப்படம் சமூகவலைதளங்களில் வைரலாகி வருகிறது.
“Dear Students” படம், காமெடியுடன் காதல் கலந்த குடும்ப அம்சமான திரைப்படமாக உருவாகியிருப்பதாக கூறப்படுகிறது. இப்படம் ஏப்ரல் மாத இறுதியில் திரைக்கு வரும் என எதிர்பார்க்கப்படுகிறது.
இந்த மலையாள படம் முடிந்துள்ள நிலையில், நயன்தாரா “டாக்ஸிக்” படத்திலும் “மூக்குத்தி அம்மன் 2” படத்திலும் நடித்து வருகிறார். “டாக்ஸிக்” படத்தில், கேஜிஎப் புகழ் யஷ் முக்கிய கதாபாத்திரத்தில் நடிக்க, நயன்தாரா அவருடன் இணைந்து நடிப்பதால் எதிர்பார்ப்பு அதிகரித்துள்ளது.
“மூக்குத்தி அம்மன் 2” படத்தில், நயன்தாரா அம்மன் வேடத்தில் நடிக்கிறார். இப்படத்தின் தயாரிப்புக்காக 11 கோடி செலவில் பிரம்மாண்ட செட் அமைக்கப்பட்டு, தற்போது படப்பிடிப்பு விறுவிறுப்பாக நடைபெற்று வருகிறது.
நயன்தாராவின் “Dear Students” படத்தின் முதல் பார்வை போஸ்டர் சமீபத்தில் வெளியானது. நீண்ட இடைவெளிக்குப் பிறகு, நயன்தாரா மலையாள திரைப்படத்தில் நடிப்பதால், இந்த படம் ரசிகர்களிடையே மிகுந்த எதிர்பார்ப்பை உருவாக்கியுள்ளது.
