‘லேடி சூப்பர் ஸ்டார்’ நயன்தாரா நடிக்கும் ‘மூக்குத்தி அம்மன் 2’ படத்தை தமிழ் திரையுலகின் முன்னணி திரைப்பட தயாரிப்பு நிறுவனமான வேல்ஸ் பிலிம் இன்டர்நேஷனல் தயாரிக்கிறது என அதிகாரப்பூர்வமாக அறிவிக்கப்பட்டுள்ளது.
இந்த வருடத்தில் மட்டும் ‘சிங்கப்பூர் சலோன்’, ‘ஜோசுவா இமைப் போல் காக்கா’, ‘பி டி சர்’ போன்ற வெற்றிப் படங்களைத் தயாரித்து வேல்ஸ் பிலிம் இன்டர்நேஷனல் சார்பில் வழங்கிய பிரபல தயாரிப்பாளர் டாக்டர் ஐசரி கே. கணேஷின் அடுத்த வெற்றி ‘மூக்குத்தி அம்மன் 2’. கதையின் நாயகியாக லேடி சூப்பர் ஸ்டார் நயன்தாரா நடிக்கிறார்.
இந்த படத்தில் திரையுலகின் முன்னணி நடிகர்கள் பலர் நடிக்கவுள்ளனர். மேலும் இந்த படத்தை நடிகை நயன்தாரா-விக்னேஷ் சிவனின் பட தயாரிப்பு நிறுவனமான ரவுடி பிக்சர்ஸ் இணைந்து தயாரிக்கிறது. இது தொடர்பான அதிகாரப்பூர்வ அறிவிப்பு வீடியோ வடிவில் வெளியாகியுள்ளது.
மேலும் இயக்குனர் உள்ளிட்ட நடிகர், நடிகைகள் மற்றும் தொழில்நுட்ப கலைஞர்களின் விவரம் விரைவில் படத் தயாரிப்பு நிறுவனம் அதிகாரப்பூர்வமாக வெளியிடப்படும் என்றும் தகவல் வெளியாகியுள்ளது. 2025ல் படத்தை வெளியிட படக்குழு திட்டமிட்டுள்ளது.
