ல்போன்களை மையமாக வைத்து எடுக்கப்பட்ட படம் ‘ரிங் ரிங்’. ‘போனின்று அமையாது உலகு’ என்ற டேக்லைனில் உருவாகும் இப்படத்தை கந்தகோட்டை, ஈகோ போன்ற படங்களை இயக்கிய சக்திவேல் இயக்குகிறார். இதில் விவேக் பிரசன்னா, சாக்ஷி அகர்வால், டேனியல் அன்னி போப், பிரவீன், அர்ஜுனன், ஸ்வயம், சஹானா மற்றும் ஜமுனா ஆகியோர் நடித்துள்ளனர்.
வசந்த் இசைப்பேட்டை இசையமைத்துள்ள இப்படத்திற்கு பா.ஹரிஹரன் பாடல்களை எழுதியுள்ளார். தியா ஸ்ரீ கிரியேஷன்ஸ் மற்றும் ரூல் பிரேக்கர்ஸ் சார்பில் ஜெகன் நாராயணன் மற்றும் சக்திவேல் தயாரிக்கின்றனர். “திருமணத்திற்குப் பிறகு, 4 ஜோடிகள் தொலைபேசியை பரிமாறிக் கொள்கிறார்கள்.
அதன் பிறகு அவர்கள் வாழ்க்கையில் நடக்கும் சம்பவங்கள்தான் படம். நகைச்சுவை, சுவாரசியமான, மர்மமான மற்றும் பரபரப்பான சம்பவங்களால் இப்படம் உருவாகியுள்ளது. பிரமாண்டமான வீடு செட் அமைத்து படமாக்கினோம். படத்தின் ஃபர்ஸ்ட் லுக்கை நடிகர் விஜய் சேதுபதி வெளியிட்டார். ஜனவரியில் படத்தை வெளியிட திட்டமிட்டுள்ளோம்,” என்றார் இயக்குநர் சக்திவேல்.
