ஆகஸ்ட் 12ம் தேதி, சூர்யாவின் “கங்குவா” திரைப்படத்தின் ட்ரெய்லர் வெளியாகவுள்ளதாக அதிகாரப்பூர்வ அறிவிப்பு வெளியாகியுள்ளது. சிறுத்தை சிவா இயக்கத்தில், ஸ்டூடியோ க்ரீன் நிறுவனத்தின் சார்பில் ஞானவேல் தயாரித்துள்ள இப்படம் தமிழ் திரையுலகில் மிகவும் பெரிய பட்ஜெட்டில் உருவாக்கப்பட்டுள்ளது.
)
இதுவரை தமிழ் திரையுலகில் வெளிவராத முற்றிலும் மாறுபட்ட கதையோடு உருவாக்கப்பட்ட “கங்குவா”, அக்டோபர் 10ம் தேதி உலகளவில் வெளியாகவுள்ளது. இந்த திரைப்படம் 38 மொழிகளில் மொழிபெயர்க்கப்பட்டு வெளியிடப்படும் என்பதும் குறிப்பிடத்தக்கது.
மேலும், “கங்குவா” படத்தின் முதல் சிங்கிள் பாடல் சமீபத்தில் வெளியாகி இணையத்தில் வைரலானது. இப்போது, ஆகஸ்ட் 12ம் தேதி ட்ரெய்லருடன் புதிய அப்டேட் வெளியிடப்படுவதால், சூர்யாவின் ரசிகர்களுக்கு இது இரட்டிப்பு சந்தோஷமாக மாறியுள்ளது.
