சென்னை: நடிகை பிரக்யா நாக்ராவின் ஆபாச வீடியோ ‘AI’ மூலம் உருவாக்கப்பட்டு சமூக வலைதளங்களில் வைரலாகி வருகிறது. இது தொடர்பாக அவர் தனது எக்ஸ் தள பக்கத்தில் பதிவிட்டுள்ளார்:- “இது ஒரு கனவு. இதை நான் முற்றிலும் மறுக்கிறேன். தொழில்நுட்பம் நம் வாழ்க்கையை மேம்படுத்தவே உள்ளது, அவர்களை சீரழிக்க அல்ல.
‘ஏஐ’ மூலம் இதுபோன்ற செயல்களைச் செய்பவர்களையும், பரப்புபவர்களையும் பார்க்கும் போது பரிதாபமாக இருக்கிறது. அத்தகைய சூழ்நிலையில் நான் வலுவாக இருக்க முயற்சிக்கிறேன். எனக்கு உறுதுணையாக நின்று ஆதரவளித்தவர்களுக்கு நன்றி. இதுபோன்ற ‘AI’ ஆபாச வீடியோக்களால் வேறு எந்தப் பெண்களும் பாதிக்கப்படாமல் இருக்கவும், அவர்கள் பாதுகாப்பாக இருக்கவும் நான் பிரார்த்திக்கிறேன்” என்று பதிவிட்டுள்ளார்.
2022-ம் ஆண்டு ஜீவா நடித்த ‘வரலாறு முக்கியம்’ படத்தின் மூலம் நடிகையாக அறிமுகமானார் பிரக்யா நாக்ரா. பின்னர் 2023 இல் வெளியான ‘N4’ படத்தில் நடித்தார். அதே ஆண்டில் வெளியான ‘நதிகள் சுந்தரி யமுனா’ என்ற மலையாளப் படத்தின் மூலம் மலையாளத் திரையுலகிலும் பிரக்யா நுழைந்தார். அந்த படத்தில் யமுனா என்ற கதாபாத்திரத்தின் மூலம் ரசிகர்களின் கவனத்தை ஈர்த்தார். இந்த ஆண்டு வெளியான ‘லக்கம்’ படத்தின் மூலம் தெலுங்கிலும் நடிகையாக அறிமுகமானார்.
