சென்னை: வெங்கட் பிரபு இயக்கிய ‘தி கோட்’ படத்திற்கு பிறகு எச்.வினோத் இயக்கும் புதிய படத்தில் விஜய் நடித்து வருகிறார்.
இதனை KVN நிறுவனம் தயாரிக்கவுள்ளது. இதற்கான ஏற்பாடுகள் தீவிரமாக நடந்து வந்தது. நேற்று (அக்டோபர் 1) முதல் படம் குறித்த அப்டேட்கள் வெளியாகி வருகின்றன.
இன்று படக்குழு வெளியிட்டுள்ள அப்டேட்டில், படத்தின் நாயகியாக பூஜா ஹெக்டே ஒப்பந்தம் செய்யப்பட்டுள்ளதாக தகவல் வெளியாகியுள்ளது. அதேபோல், ‘பிரேமம்’ படத்தின் மூலம் பிரபலமான மலையாள நடிகை மமிதா பைஜுவும் இப்படத்தில் ஒரு முக்கிய கதாபாத்திரத்தில் நடிக்க ஒப்பந்தமாகியுள்ளார்.
சத்யன் சூர்யன் ஒளிப்பதிவு செய்ய, அனிருத் இசையமைக்கவுள்ளனர். இந்த படத்தின் பூஜை அக்டோபர் 4-ம் தேதி சென்னையில் நடைபெற உள்ளது. படப்பிடிப்பு நாளை மறுநாள் தொடங்கும் என கூறப்படுகிறது.
இப்படத்தில் பிரகாஷ்ராஜ், பிரியாமணி மற்றும் பலர் முக்கிய வேடங்களில் நடிக்கவுள்ளதாக தெரிகிறது. இது தொடர்பான அறிவிப்புகள் வரும் நாட்களில் வெளியாகலாம் என்று கூறப்படுகிறது.
