சென்னை: இதுவரை இல்லாத அளவுக்கு நடிகர் ரஜினி நடித்துள்ள கூலி படத்திற்கு ஓவர்சீஸ் பிஸ்னஸ் அமோகமாக நடந்துள்ளது என்று தகவல்கள் வெளியாகி உள்ளது.
நடிகர் ரஜினிகாந்த் மற்றும் இயக்குநர் லோகேஷ் கனகராஜ் கூட்டணியில் உருவாகி இருக்கும் திரைப்படம் கூலி.
இப்படத்திற்கு அனிருத் இசையமைத்துள்ளார். இந்தப் படத்தில் அமீர் கான், சத்யராஜ், நாகர்ஜுனா, சௌபின் ஷாஹிர், சுருதிஹாசன், பகத் பாசில், ரெபா மோனிகா ஜான் மற்றும் உபேந்திரா ஆகியோர் நடித்துள்ளனர்.
இப்படத்தின் மீது மிகப்பெரிய எதிர்ப்பார்ப்பு ரசிகர்கள் மத்தியில் நிலவி வருகிறது. படத்தின் டப்பிங் மற்றும் போஸ்ட் ப்ரொடக்ஷன் பணிகள் தீவிரமாக நடைப்பெற்று வருகிறது. கூலி திரைப்படம் வரும் ஆகஸ்ட் 14 ஆம் தேதி வெளியாகிறது.
படத்தின் பாடலான சிக்கிடு பாடலின் வீடியோ அண்மையில் வெளியாகி மக்களிடம் மிகப்பெரிய வரவேற்பை பெற்றது. படத்தின் ஓவர்சீஸ் வெளியீட்டை ஹம்சினி எண்டெர்டெயின்மண்ட் நிறுவனம் கைப்பற்றியுள்ளது.
இதுவரை எந்த திரைப்படத்திற்கும் இல்லாத அளவு ஒரு பிஸ்னஸ் இப்படத்திற்காக செய்துள்ளார். இது பட ரிலீசையும் தாண்டிய ஒரு கொண்டாட்டம் ஆகும் என ஹம்சினி எண்டெர்டெயின்மண்ட் சார்பில் பாதிவிட்டுள்ளனர்.
