அஜித் தற்போது தமிழ் திருமேனி இயக்கத்தில் ‘விடாமுயற்சி’ மற்றும் ஆதிக் இயக்கத்தில் ‘குட் பேட் அக்லி’ ஆகிய படங்களில் நடித்து வருகிறார். லைக்காவின் நிதி நெருக்கடியால் கடந்த சில மாதங்களாக நிறுத்தி வைக்கப்பட்டிருந்த விடாமுயற்சி படத்தின் படப்பிடிப்பு ஜூன் 20 அன்று அஜர்பைஜானில் மீண்டும் தொடங்கியது.
அஜீத், த்ரிஷா, அர்ஜுன் நடிக்கும் காட்சிகளை மகிழ் திருமேனி படமாக்கியுள்ளார். அஜீத் தற்போது சென்னை திரும்பியுள்ள நிலையில், இன்னும் சில நாட்கள் அங்கு படப்பிடிப்பு நடைபெறும் என கூறப்படுகிறது.
இந்நிலையில் நேற்று இரவு விடாமுயற்சி படத்தின் ஃபர்ஸ்ட் லுக் போஸ்டர் வெளியாகி கவனம் பெற்றது. ஆனால் படத்தின் ஃபர்ஸ்ட் லுக் போஸ்டராக இல்லாமல் ரசிகர்களால் உருவாக்கப்பட்ட போஸ்டர் போல் இருப்பதால் இந்த போஸ்டர் கலவையான விமர்சனங்களை பெற்று வருகிறது. ஆனால் வராது வந்த மாமணியாக விடாமுயற்சி படத்தின் அப்டேட் வந்திருப்பது அஜித் ரசிகர்களுக்கு மகிழ்ச்சியாக அமைந்துள்ளது.
