அஜித்தின் ‘குட் பேட் அக்லி’ படம் ஏப்ரல் 10-ம் தேதி வெளியாகிறது. இதற்கான புரமோஷன் பணிகள் விரைவில் தொடங்கும். சமீபத்தில் வெளியான இதன் டீசர் இணையத்தில் பெரும் வரவேற்பை பெற்றது. ரோமியோ பிக்சர்ஸ் ராகுல் தமிழக உரிமையை பெற்று வெளியிடுகிறார்.
இப்போது, ஏப்ரல் 9-ம் தேதி இரவு 10:30 மணிக்கு பிரீமியர் காட்சியை நடத்த ராகுல் முடிவு செய்துள்ளார். இதனை அவர் தனது X பதிவில் உறுதி செய்துள்ளார். இதனால் ரசிகர்கள் மிகுந்த உற்சாகத்தில் உள்ளனர். படத்தை முன்னதாகவே திரையிட்டால், விமர்சனங்களால் வசூல் பாதிக்கப்படும் என்ற சர்ச்சை எழுந்துள்ளதால், விநியோகஸ்தரின் இந்த முடிவு அனைவரையும் ஆச்சரியத்தில் ஆழ்த்தியுள்ளது.
மைத்ரி மூவி மேக்கர்ஸ் நிறுவனம் தயாரித்துள்ள படம் ‘குட் பேட் அக்லி’. ஆதிக் ரவிச்சந்திரன் இயக்கத்தில் வெளிவந்த இத்திரைப்படத்தில் அஜித், த்ரிஷா, பிரசன்னா, சுனில், அர்ஜுன் தாஸ் மற்றும் பலர் நடித்துள்ளனர். ஜி.வி. பிரகாஷ் இசையமைப்பாளராக பணியாற்றி வருகிறார். இப்படத்தின் முதல் பாடல் விரைவில் வெளியாகவுள்ளது.
