தமிழ், இந்தி, தெலுங்கு படங்களில் நடித்துள்ள பூஜா ஹெக்டே, தமிழில் விஜய்க்கு ஜோடியாக தனது 69-வது படத்தில் நடிக்கிறார். சூர்யாவுடன் அவர் நடித்த ‘ரெட்ரோ’ திரைப்படம் மே 1-ம் தேதி வெளியாக உள்ளது. இந்நிலையில், ‘ரெட்ரோ’ தனக்கு பெருமை சேர்க்கும் படமாக இருக்கும் என்று ஒரு பேட்டியில் கூறியுள்ளார்.
இதுபற்றி அவர் கூறும்போது, “நான் நடித்த அனைத்து படங்களுமே என்னைப் பெருமைப்படுத்துகின்றன. ஆனால் ‘ரெட்ரோ’ படம்தான் நான் மிகவும் பெருமைப்படுகிறேன். அந்தப் படத்தின் ஒவ்வொரு அம்சமும் எனக்குப் பிடிக்கும். படமாக்கப்பட்ட விதம், படப்பிடிப்பின் அனுபவம் நன்றாக இருந்தது. அதில் எனது கதாபாத்திரம் நன்றாக வடிவமைக்கப்பட்டுள்ளது. முழுப் படத்தையும் பார்க்காமல் இதைச் சொல்கிறேன். தற்போது எடிட்டிங் பணிகள் நடந்து வருகிறது” என்றார்.
