அஸ்வத் மாரிமுத்து இயக்கத்தில் பிரதீப் ரங்கநாதன் நடிப்பில் வெளியான ‘டிராகன்’ திரைப்படம், தொடர் வெற்றியை பெற்று வருகிறது. கடந்த 21 ஆம் தேதி திரையரங்குகளில் ரிலீஸ் ஆன இப்படம், பெரும் வரவேற்பைப் பெற்று பாக்ஸ் ஆபீஸ் வசூலில் அதிரடி வெற்றி அடைந்துள்ளது. இது படக்குழுவினருக்கு மிகப்பெரிய மகிழ்ச்சியையும், கொண்டாட்டத்தையும் தந்துள்ளது.
பிரதீப் ரங்கநாதன், கோமாளி படத்தின் மூலம் இயக்குநராக அறிமுகமானார். அப்போது ஜெயம் ரவி நடிப்பில் வெளியான கோமாளி படத்தை ரசிகர்கள் பெரிதும் பாராட்டி, வசூலிலும் அசத்தியது. அதன் பிறகு ‘லவ் டுடே’ படத்தில் ஹீரோவாக நடித்து, இயக்குநராகவும் தனது திறமையை வெளிப்படுத்தினார். இந்த படம் பாக்ஸ் ஆபீசில் ரூ. 100 கோடிக்கு மேல் வசூல் செய்தது, அதன்படி பிரபலம் ஆனார்.
இப்போது ‘டிராகன்’ படத்தின் மூலம் பிரதீப் ரங்கநாதன் தனது மூன்றாவது படத்திலும் பிளாக் பஸ்டர் ஹிட்டை சந்தித்துள்ளார். அஸ்வத் மாரிமுத்து இயக்கிய இப்படத்தில், இயக்குனர் மிஷ்கின், மரியம் ஜார்ஜ், அனுபமா பரமேஸ்வரன், கயாடு லோகர், விஜே சித்து, ஹர்ஷத் கான் உள்ளிட்ட பலர் நடித்துள்ளனர்.
இந்த திரைப்படம் ஆரம்பத்தில் முதல்நாளில் இந்திய அளவில் ரூ. 6.5 கோடி, உலகளவில் ரூ. 11 கோடி வசூலித்தது. இரண்டாம் நாளில், இந்திய அளவில் ரூ. 10.5 கோடி வசூல் செய்துள்ளது. இதன் மூலம் இரண்டு நாட்களில் ரூ. 27 கோடி வசூலித்து சாதனை படைத்துள்ளது.
இது தொடர்ந்து விடுமுறை நாளில் கூட பாக்ஸ் ஆபீசில் வெற்றியுடன் வசூல் அதிகரிக்கும் என எதிர்பார்க்கப்படுகிறது. ‘நிலவுக்கு என்மேல் என்னடி கோபம்’ படத்தினையும் தாண்டி, ‘டிராகன்’ பாக்ஸ் ஆபீஸில் முன்னணி நிலை வகித்து வருகிறது.
‘லவ் டுடே’வின் வெற்றியுடன், ‘டிராகன்’ இப்போது பிரதீப் ரங்கநாதனுக்கு தொடர்ந்த வெற்றியையும், கோலிவுட்டில் அதிக மகத்துவம் பெற்றதாக மாறியுள்ளது. தற்போது, விக்னேஷ் சிவன் இயக்கத்தில் ‘LIK’ படத்தில் பிரதீப் ரங்கநாதன் நடித்து வருகிறார்,
