சென்னை: அபார திறமை கொண்டர் நடிகர் டெல்லி கணேஷ் என்று அவரது மறைவுக்கு பிரதமர் மோடி இரங்கல் தெரிவித்து பதிவிட்டுள்ளார்.
பிரபல குணச்சித்திர நடிகரான டெல்லி கணேஷ் மறைவுக்கு தமிழ் சினிமா நட்சத்திரங்கள் மற்றும் அவரது ரசிகர்கள் இரங்கல் தெரிவித்து வருகின்றனர். விஜய், ரஜினி, முதலமைச்சர் ஸ்டாலின் உட்பட பலரும் டெல்லி கணேஷ் பற்றி இரங்கல் பதிவு வெளியிட்டு இருக்கின்றனர்.
இந்நிலையில் பிரதமர் நரேந்திர மோடி தற்போது டெல்லி கணேஷ் பற்றி ட்விட்டரில் இரங்கல் அறிக்கை வெளியிட்டு இருக்கிறார். அதில் அவர் கூறி இருப்பதாவது:
புகழ்பெற்ற திரையுலக ஆளுமை டெல்லி கணேஷ் மறைவை அறிந்து மிகவும் வருந்துகிறேன். நடிப்பில் அவர் அபாரமான திறமை கொண்டவர். ஏற்றுக்கொண்ட பாத்திரங்களை ஆழமாக வெளிப்படுத்திய விதத்திற்காகவும் தலைமுறை கடந்து ரசிகர்களைக் கவர்ந்த திறமைக்காகவும் அவர் என்றென்றும் அன்போடு நினைவுகூரப்படுவார்.
நாடகத் துறையிலும் அவருக்கு ஆழமான ஈடுபாடு இருந்தது. அவரது குடும்பத்தினருக்கும், ரசிகர்களுக்கும் எனது ஆழ்ந்த இரங்கல்கள். இவ்வாறு பிரதமர் மோடி பதிவிட்டுள்ளார்.
