மும்பை: ஷாருக்கானை முந்தி வசூலில் முன்னிலை பெற்றுள்ளார் நடிகர் அல்லு அர்ஜுன். அட ஆமாங்க. பாலிவுட்டில் புஷ்பா 2 மாஸ் காட்டி வசூல் வேட்டை நடத்தி வருகிறது.
அல்லு அர்ஜுனின் புஷ்பா 2 படம் நேற்று வெளிவந்து வசூலில் பட்டையை கிளப்பி வருகிறது. முதல் நாளே உலகளவில் இப்படம் ரூ. 275 கோடிக்கும் மேல் வசூல் செய்துள்ளது.
இதுவரை இந்திய சினிமாவில் வெளிவந்த எந்த படமும் முதல் நாள் ரூ. 275 கோடி வசூல் செய்ததே இல்லை. இதன்மூலம், முதல் நாள் அதிக வசூல் செய்த இந்திய படம் என்கிற சாதனை புஷ்பா 2 படைத்துள்ளது.
உலகளவில் ரூ. 275 கோடிக்கும் மேல் வசூல் செய்துள்ள புஷ்பா 2, பாலிவுட்டில் ரூ. 65 கோடி வசூல் செய்துள்ளது. இதன்மூலம் பாலிவுட்டிலும் முதல் நாள் அதிக வசூல் செய்த படமாக புஷ்பா 2 இடம்பிடித்துள்ளது.
இதற்கு முன் ஷாருக்கானின் ஜவான் திரைப்படம் ரூ. 63 கோடி முதல் நாள் வசூல் செய்து, பாலிவுட்டில் முதல் இடத்தில் இருந்தது. அதனை தற்போது புஷ்பா 2 முந்தியுள்ளது.
