‘ஜிகர்தண்டா டபுள் எக்ஸ்’ படத்திற்கு பிறகு ராகவா லாரன்ஸ் ‘துர்கா’ உள்ளிட்ட சில படங்களில் நடித்துள்ளார்.
அவரது 25-வது படத்தை தெலுங்கில் ராக்ஷசடு, கில்லாடி ஆகிய படங்களை இயக்கிய ரமேஷ் வர்மா இயக்கவுள்ளார்.
நீலாத்ரி புரொடக்ஷன்ஸ் மற்றும் ஹவ்விஷ் புரொடக்ஷன்ஸ் இணைந்து ஏ ஸ்டுடியோஸ் எல்எல்பி இன் கீழ் கோனேரு சத்யநாராயணா தயாரித்துள்ளார்.
இது சத்யநாராயணா மற்றும் ரமேஷ் வர்மாவின் 3-வது படம். ‘மிகப்பெரிய ஆக்ஷன் அட்வென்ச்சர் பிகின்ஸ்’ என்ற போஸ்டருடன் படக்குழுவினர் அறிவிப்பு வெளியிட்டுள்ளனர்.
பான் இந்தியா படத்தில் நடிக்கும் மற்ற நடிகர், நடிகைகளின் விவரம் விரைவில் அறிவிக்கப்படும். நவம்பர் மாதம் படப்பிடிப்பு தொடங்குகிறது.
