‘சச்சின்’ படம் ஏப்ரல் 14, 2005 அன்று வெளியானது. படம் வெளியாகி 20 வருடங்கள் ஆகிறது. இதனை கருத்தில் கொண்டு அன்றைய தினம் ‘சச்சின்’ படத்தை மீண்டும் வெளியிட படக்குழு முடிவு செய்து அதற்கான வேலைகளை தொடங்கியுள்ளது. சமீபத்தில் விஜய் நடித்த ‘கில்லி’ திரைப்படம் மீண்டும் வெளியாகி மாபெரும் வெற்றி பெற்றது.
அதைத் தொடர்ந்து ‘சச்சின்’ படத்தின் மறு வெளியீடு உறுதியாகியுள்ளது. இப்படத்தின் பாடல்கள் மற்றும் நகைச்சுவை காட்சிகள் அனைத்தும் மக்களிடையே பெரும் வரவேற்பை பெற்றது. ‘சச்சின்’ படத்தை தற்போதைய தொழில்நுட்பத்திற்கு ஏற்றவாறு மேம்படுத்தும் பணி தொடங்கியுள்ளது.
இதை தயாரிப்பாளர் தாணு ஒரு பேட்டியில் உறுதி செய்துள்ளார். மறைந்த இயக்குனர் மகேந்திரனின் மகன் ஜான் இயக்கத்தில் விஜய், ஜெனிலியா, பிபாஷா பாசு, வடிவேலு, தாடி பாலாஜி மற்றும் பலர் முக்கிய வேடங்களில் நடித்துள்ள படம் ‘சச்சின்’. தேவி ஸ்ரீ பிரசாத் இசையமைத்துள்ள இப்படத்தின் பாடல்கள் இளைஞர்கள் மத்தியில் கொண்டாடப்பட்டது குறிப்பிடத்தக்கது.
