தனுஷின் ‘இட்லி கடை’ படத்தின் புதிய ரிலீஸ் தேதியை படக்குழு அறிவித்துள்ளது. அதன்படி இப்படம் அக்டோபர் 1-ம் தேதி வெளியாகிறது. ஏப்ரல் 10-ம் தேதி வெளியாகும் என அறிவிக்கப்பட்ட ‘இட்லி கடை’ படம் அன்றைய தேதியில் இருந்து தள்ளிப்போனது.
இன்னும் வெளிநாட்டில் படப்பிடிப்பு நடப்பதே தாமதத்திற்கு காரணம் என்று தயாரிப்பாளர் ஆகாஷ் பேட்டியில் குறிப்பிட்டுள்ளார். தற்போது புதிய ரிலீஸ் தேதியை படக்குழு அறிவித்துள்ளது. ‘இட்லி கடை’ அக்டோபர் 1-ம் தேதி வெளியாகும் என படக்குழு அறிவித்துள்ளது. அதற்குள் அனைத்துப் பணிகளையும் முடிக்க படக்குழுவினர் திட்டமிட்டுள்ளனர்.
தனுஷ் நடிப்பில் ஜூன் 20-ம் தேதி ‘குபேரா’, அக்டோபர் 1-ம் தேதி ‘இட்லி கடை’, நவம்பர் 28-ம் தேதி ‘தேரே இஸ்க் மெயின்’ ஆகிய படங்கள் வெளியாகின்றன. தனுஷ் இயக்கத்தில் ராஜ்கிரண், அருண் விஜய், நித்யா மேனன் மற்றும் பலர் நடித்துள்ள படம் ‘இட்லி கடை’. ஜி.வி. பிரகாஷ் இசையமைப்பாளராக பணியாற்றி வருகிறார். டான் பிக்சர்ஸ் நிறுவனம் இப்படத்தை முதல்கட்டமாக தயாரித்து வருகிறது.
