இயக்குநர் கார்த்திக் சுப்புராஜ் இயக்கத்தில் உருவாகி வரும் ‘ரெட்ரோ’ திரைப்படத்தில் சூர்யா, பூஜா ஹெக்டே, ஜெயராம், ஜோஜு ஜார்ஜ், கருணாகரன், நாசர், சுஜித் சங்கர், தமிழ், பிரேம்குமார் மற்றும் ரம்யா சுரேஷ் உள்ளிட்ட பலர் நடித்துள்ளனர். இந்த படத்திற்கு ஸ்ரேயாஸ் கிருஷ்ணா ஒளிப்பதிவு செய்ய, இசையமைப்பாளராக சந்தோஷ் நாராயணன் பணியாற்றியுள்ளார்.
2டி என்டர்டெயின்மென்ட் நிறுவனம் சார்பில் ஜோதிகா மற்றும் சூர்யா, கார்த்திக் சுப்பராஜின் ஸ்டோன் பெஞ்ச் புரொடக்ஷன்ஸ் நிறுவனத்துடன் இணைந்து இப்படத்தை தயாரித்துள்ளனர்.
படத்தின் படப்பிடிப்பு முடிந்து தற்போது பிற்பதிவுப் பணிகள் நடந்து வருகின்றன. படம் மே 1ஆம் தேதி திரைக்கு வரவுள்ள நிலையில், சமீபத்தில் சென்சார் குழுவிற்கு அனுப்பப்பட்டது.
சென்சார் வாரியத்தால் மொத்தம் 8 இடங்களில் மாற்றங்கள் பரிந்துரைக்கப்பட்டுள்ளன. இதில் சில வசனங்களை நீக்குதல், சில காட்சிகளில் குரூரத்தன்மையை மங்கச் செய்தல் போன்றவை இடம்பெற்றுள்ளன. படம் மொத்தமாக 2 மணி 48 நிமிடங்கள் ஓடுமாறு உருவாக்கப்பட்டுள்ளது.
