‘மதராசி’ படத்தை இயக்கிய ஏ.ஆர். முருகதாஸ் இயக்கத்தில் சிவகார்த்திகேயன் நடிக்கிறார். இன்னும் இறுதிக்கட்ட படப்பிடிப்பு மட்டும் பாக்கி உள்ளது. ஏ.ஆர். முருகதாஸ் படத்தின் நடுவே ‘சிக்கந்தர்’ படப்பிடிப்பை தொடங்கினார். சமீபத்தில் வெளியான இப்படம் மிகப்பெரிய தோல்வியை தழுவியது. தற்போது, ஏ.ஆர். முருகதாஸ் ‘மதராசி’ படத்தின் பணிகளை தொடங்கியுள்ளார்.
இறுதிக்கட்ட வேலைகளை கவனித்து வரும் நிலையில், இறுதிக்கட்ட படப்பிடிப்பிற்கும் தயாராகி வருகிறார். இதற்காக நடிகர்களிடம் தேதிகள் பெறப்பட்டு வருகிறது. விரைவில் படப்பிடிப்பை தொடங்க படக்குழு தயாராகி வருகிறது. இப்படத்தை செப்டம்பர் 5-ம் தேதி வெளியிட படக்குழுவினர் திட்டமிட்டுள்ளனர்.
இதை ஒட்டி ஓடிடி உரிமையை விற்கவும் பேச்சுவார்த்தை நடத்தி வருகின்றனர். இசை உரிமை மற்றும் வெளிநாட்டு உரிமைகள் மட்டுமே இதுவரை விற்கப்பட்டுள்ளது குறிப்பிடத்தக்கது. சிவகார்த்திகேயனுடன் பிஜு மேனன், வித்யுத் ஜம்வால், ருக்மணி வசந்த், ஷபீர், விக்ராந்த், அருண் வெஞ்சுரமுடு உள்ளிட்ட பலர் நடிக்கின்றனர். ஸ்ரீகர் பிரசாத் படத்தொகுப்பாளராகவும், அனிருத் இசையமைப்பாளராகவும் பணியாற்றுகின்றனர்.
