ராஜேஷ் இயக்கத்தில் ஜீவா நடிக்கும் புதிய படத்திற்கு யுவன் ஷங்கர் ராஜா இசையமைக்கிறார். எம். ராஜேஷின் முதல் இயக்குநரான படம் ‘சிவா மனசுல சக்தி’. இந்தப் படத்தில் ஜீவா, அனுயா, சந்தானம், ஊர்வசி. சத்யன் மற்றும் பலர் நடித்திருந்தனர். இந்தப் படம் மிகப்பெரிய வெற்றியைப் பெற்றது.
யுவன் இசையமைத்த பாடல்கள் இன்றுவரை பிரபலமாக உள்ளன. இப்போது இந்த குழு மீண்டும் இணைகிறது. இது குறித்த அதிகாரப்பூர்வ அறிவிப்பை படக்குழு வெளியிட்டுள்ளது. மலேசியாவைச் சேர்ந்த மாலிக் ஸ்ட்ரீம்ஸ் இந்தப் படத்தைத் தயாரிக்கிறது.
இந்தப் படத்தின் மூலம், ராஜேஷ் – ஜீவா – யுவன் குழு 16 ஆண்டுகளுக்குப் பிறகு மீண்டும் இணைகிறது. தற்போது, ஜீவாவுடன் நடிக்கும் நடிகர்கள் மற்றும் தொழில்நுட்ப வல்லுநர்களின் தேர்வு முழு வீச்சில் நடந்து வருகிறது.
ராஜேஷின் முந்தைய படங்களைப் போலவே, இந்தப் படமும் நகைச்சுவைக்கு முக்கியத்துவம் கொடுத்து உருவாக்கப்படும்.
