இளையராஜாவாக நடிகர் தனுஷ் நடிக்கிறார். அருண் மாதேஸ்வரன் இயக்கும் இந்தப் படத்தின் தொடக்க விழா சில மாதங்களுக்கு முன்பு நடைபெற்றது.
இந்நிலையில் எழுத்தாளர் எஸ்.ராமகிருஷ்ணன் இந்த படத்தின் திரைக்கதை மற்றும் வசனத்தை எழுதுவதாக கூறியுள்ளார். இதுகுறித்து அவர் வெளியிட்டுள்ள பதிவில், “இளையராஜாவின் வாழ்க்கை வரலாற்று படத்தில் பணிபுரிந்து வருகிறேன்.
அதன் இயக்குனர் அருண் மாதேஸ்வரன் 3 மாதங்களுக்கு முன்பு அழைத்திருந்தார். படத்தின் திரைக்கதை அமைக்கும் பணிக்கு என்னை அழைத்தார். அதன் பிறகு, ஸ்கிரிப்ட் டெவலப்மெண்ட் பணியில் சேர்ந்தேன்.
இயக்குநர், உதவி இயக்குநர்களுடன் இளையராஜாவின் சொந்த ஊரான பண்ணைபுரத்துக்கு சென்றோம், அங்கு அவரது சொந்த வீடு, படித்த பள்ளிக்கூடம், விளையாடி மகிழ்ந்த இரட்டை ஆலமரம் உள்ளிட்ட பல்வேறு இடங்களைப் பார்த்தோம்.
அவரது பாதை வலி மற்றும் துன்பம் நிறைந்ததாக இருந்தது. தமிழ் சினிமாவில் அவர் செய்த சாதனைகள் நிகரற்றவை. இளையராஜா இசையின் மனித வடிவம். அருண் மாதேஸ்வரனுடன் பணிபுரிந்தது மகிழ்ச்சியான அனுபவம்.
இந்தப் படம் அவருடைய திரையுலக வாழ்க்கையில் மிக முக்கியமான படமாக இருக்கும்.
