‘பார்க்கிங்’ இயக்குனர் ராம்குமார் பாலகிருஷ்ணன் இயக்கத்தில் சிம்பு நடிக்கும் படத்தின் ப்ரீ புரொடக்ஷன் பணிகள் விறுவிறுப்பாக நடைபெற்று வருகிறது. இப்படத்திற்கு சாய் அபயங்கர் இசையமைக்கவுள்ளதாக செய்திகள் வெளியாகி வந்தாலும், படக்குழு அதை உறுதிப்படுத்தவில்லை. தற்போது, சாய் அபயர் இசையமைக்கிறார் என்பதை சிம்பு தனது எக்ஸ் தளத்தில் உறுதிப்படுத்தியுள்ளார்.
தமிழ் புத்தாண்டை முன்னிட்டு, சிம்பு தனது X தளத்தில், “தமிழ் புத்தாண்டு வாழ்த்துக்கள்! இசையுடனும் புதிய ஆற்றலுடனும் இந்த புதிய அத்தியாயத்தை தொடங்குகிறேன். சாய் அபயரை ‘STR 49’ க்கு வரவேற்கிறேன்” என்று எழுதியுள்ளார்.
சாய் அபயருடன் இருக்கும் புகைப்படத்தையும் பதிவிட்டுள்ளார். இந்தப் படத்தை டான் பிக்சர்ஸ் நிறுவனம் தயாரிக்கவுள்ளது. முழுக்க முழுக்க கல்லூரி பின்னணியில் கதையை உருவாக்கியிருக்கிறார் இயக்குனர் ராம்குமார். இதில் கதாநாயகியாக கயாடு லோஹர் ஒப்பந்தம் செய்யப்பட்டுள்ளதாக தகவல் வெளியாகியுள்ளது. இதை படக்குழு இன்னும் உறுதிப்படுத்தவில்லை.
