தென்னிந்திய சினிமாவின் முன்னணி நடிகையான சமந்தா கடைசியாக தமிழில் ‘காத்துவாக்குல ரெண்டு காதல்’ படத்தில் நடித்தார். இந்த படத்திற்குப் பிறகு, தமிழில் போதுமான வாய்ப்புகள் கிடைக்காத சமந்தா, தெலுங்கிற்கு மாறி, தற்போது ‘மா இண்டி பங்காரம்’ என்ற படத்தை தயாரித்து நடித்து வருகிறார்.
சில ஆண்டுகளுக்கு முன்பு மயோசிடிஸ் நோயால் பாதிக்கப்பட்ட சமந்தா, அதிலிருந்து மெதுவாக மீண்டு வருகிறார். இந்த சூழ்நிலையில், அவர் தினமும் படப்பிடிப்புக்கு எங்கு சென்றாலும் தவறாமல் உடற்பயிற்சி செய்கிறார். இது தொடர்பான புகைப்படங்கள் மற்றும் வீடியோக்களையும் அவ்வப்போது சமூக ஊடகங்களில் வெளியிடுகிறார்.
சமீப காலமாக உடல் எடையை குறைத்து வரும் சமந்தா, கிண்டல் மற்றும் கேலிக்கு ஆளாகி வருகிறார். அவரது புகைப்படங்களைப் பார்த்த சில நெட்டிசன்கள், அவர் ஒரு நோயாளி போல் இருப்பதாகக் கூறி அவரது உடலை கேலி செய்து வருகின்றனர். அவர்களுக்கு பதிலளிக்கும் விதமாக சமந்தா ஒரு வீடியோவை வெளியிட்டுள்ளார்.
சமந்தா தனது இன்ஸ்டாகிராமில் புல்-அப்கள் செய்யும் புகைப்படத்தை வெளியிட்டு, “நான் மிகவும் ஒல்லியாக இருக்கிறேன், உடல்நிலை சரியில்லாமல் இருக்கிறேன் என்று சொல்பவர்கள், என்னைப் போலவே 3 செட் புல்-அப்களை செய்யுங்கள். உங்களால் அதைச் செய்ய முடியாவிட்டால், என்னைப் பற்றி நான் சொன்ன அனைத்தும் உங்களுக்குப் பொருந்தும்” என்று சவால் விடுத்தார்.
