விஜய்யுடன் இணைந்து பல படங்களில் நடித்துள்ள சந்தானம், ‘தலைவா’ படத்திலும் முக்கிய கதாபாத்திரத்தில் நடித்திருந்தார். அந்த படத்தின் ஒரு காட்சியில் நடந்த அனுபவம் குறித்து சமீபத்தில் நடந்த நிகழ்ச்சியில் அவர் பகிர்ந்துள்ளார். விஜய்யின் நடனத்தை பற்றி கொஞ்சம் கிண்டலாக பேசியதால் ஏற்பட்ட ஒரு நகைச்சுவையான சம்பவம் தற்போது இணையத்தில் வைரலாகியுள்ளது.
அந்த காட்சியில் அமலா பால் காதலனை பார்க்கும் சிண்டில், சந்தானம் விஜய்யின் நடனத்தை கிண்டலடிப்பது போல ஒரு வசனம் பேசுகிற காட்சி வருகிறது. அதில், “இதெல்லாம் டான்ஸா? இவனைப் பார்த்து லவ் பண்றாளா?” என்கிற வசனத்தை சந்தானம் விஜயிடம் நேரடியாக சொல்வார். இந்த வசனத்தை கேட்ட விஜய் சிரித்தபடி, “என் டான்ஸை கிண்டல் பண்ற மாதிரியே இருக்கே” என கேட்டுள்ளார்.
அதற்கு சந்தானம், “இல்ல சார், அது காட்சிக்காகதான்… வேணும்னா அந்த வசனத்தை மாற்றலாமே” என்று பதிலளித்தாராம். ஆனால் விஜய், “வேண்டாம், வசனம் நல்லா இருக்கு, அப்படியே வச்சுரலாம்” என சமாதானமாக பதிலளித்துள்ளார். இந்த சம்பவம் விஜய்யின் மனப்பான்மையை எடுத்துக்காட்டுகிறது.
தற்போது விஜய், ஹெச்.வினோத் இயக்கத்தில் உருவாகும் ‘ஜனநாயகன்’ திரைப்படத்தில் நடித்துக் கொண்டிருக்கிறார். இது அவரின் கடைசி திரைப்படமாக இருக்கலாம் என்பதனால் ரசிகர்கள் இடையே பெரும் எதிர்பார்ப்பு ஏற்பட்டுள்ளது.
படம் அரசியல் பிணைந்ததாக இருக்கலாம் என்றும் தகவல்கள் வெளியாகி வருகின்றன.இந்தப் படம், எதிர்வரும் சட்டமன்றத் தேர்தலில் விஜய்க்கு அரசியல் ஆதரவாக அமைய வாய்ப்பு இருப்பதாக கூறப்படுகிறது. இதில் பூஜா ஹெக்டே உள்ளிட்ட பலர் நடிக்கின்றனர். படப்பிடிப்பு இறுதிக்கட்டத்தை எட்டியுள்ளது.
விஜய் தற்போது நடிகர் மட்டுமல்ல, அரசியல் கட்சி தலைவர் என்ற இரட்டைப்பாதையில் பயணிக்கிறார். அவரை பற்றிய செய்திகள், சம்பவங்கள், இணையத்தில் பெரும் வரவேற்பைப் பெறுகின்றன.சந்தானம் பகிர்ந்த இந்த சம்பவம், விஜய் – சந்தானம் இருவருக்கும் உள்ள நட்பு மற்றும் புரிதலை வெளிக்கொண்டு வருகிறது. ரசிகர்கள் இதனை பெருமகிழ்ச்சியுடன் பகிர்ந்து வருகின்றனர்.இந்த அனுபவம், ஒரு கலைஞனின் பண்பையும், படப்பிடிப்பின் பின்னணியில் நடைபெறும் மனித உணர்வுகளையும் நமக்கு காண்பிக்கிறது.இந்த தகவல் தற்போது சமூக வலைதளங்களில் வேகமாக பரவி வருகின்றது.
