சென்னை : சர்தார் 2 படத்திற்கு இசையமைக்கும் இசையமைப்பாளர் யுவன் சங்கர் ராஜா நேற்று பிறந்த நாளை கொண்டாடினார். அவருக்கு வாழ்த்துக்கள் தெரிவித்த பட குழுவினர் போஸ்டர் வெளியிட்டனர்.
கடந்த 2022 ஆம் ஆண்டு நடிகர் கார்த்தி, இயக்குநர் பி.எஸ் மித்ரன் கூட்டணியில் வெளியாகிய படம் சர்தார். இப்படம் பெரும் வரவேற்பை பெற்றது. இப்படத்தை பிரின்ஸ் பிக்சரஸ் நிறுவனம் தயாரித்தது.
கார்த்தி இப்படத்தில் இரண்டு வேடங்களில் நடித்து இருப்பார். கார்த்தியுடன் ராஷி கன்னா, லைலா, முனிஷ்காந்த், மற்றும் பலர் நடித்து இருந்தனர்.
இந்த படத்தின் இரண்டாம் பாகம் வெளியாவது குறித்து ஏற்கனவே அறிவிக்கப்பட்டு இருந்த நிலையில், சர்தார் 2 திரைப்பத்தின் பூஜையுடன் சில மாதங்களுக்கு முன் துவங்கியது. இப்படத்திற்கு யுவன் ஷங்கர் ராஜா இசையமைக்கவுள்ளார்.
இப்பொழுது படத்தில் நடிகை ரஜிஷா விஜயன் இணைந்துள்ளதாக படக்குழு அறிவித்துள்ளனர். ரஜிஷா இதற்கு முன் சர்தார் முதல் பாகத்திலும் நடித்தார் என்பது குறிப்பிடத்தக்கது.
இந்நிலையில் நேற்று பிறந்தநாள் கொண்டாடிய யுவன் ஷங்கர் ராஜாவிற்கு வாழ்த்து தெரிவித்து போஸ்டர் ஒன்றை வெளியிட்டுள்ளனர்.
