சென்னை: நடிகை பானு பிரியாவின் சகோதரியான சாந்தி பிரியா, ‘செண்பகமே செண்பகமே’ என்ற புகழ்பெற்ற பாடல் இடம்பெற்ற எங்க ஊரு பாட்டுக்காரன் படத்தின் மூலம் தமிழ் சினிமாவில் அறிமுகமானார். அதற்கு பிறகு, புராண இதிகாச கதையை மையமாகக் கொண்டு உருவான விஸ்வாமித்ரா படத்தில் சாகுந்தலா கதாபாத்திரத்தில் நடித்ததன் மூலம் அதிக வரவேற்பைப் பெற்றார்.
சினிமாவில் அறிமுகமான சில ஆண்டுகளிலேயே பல படங்களில் நடித்து பிஸியாக இருந்த சாந்தி பிரியா, பின்னர் திருமணம் செய்து கொண்டதும் சினிமாவை விட்டு விலகினார். அதனால், ரசிகர்கள் அவரை பெரிய திரையில் காணும் வாய்ப்பு கிடைக்காமல் போனது.
ஆனால், தற்போது சாந்தி பிரியா சினிமா உலகில் மீண்டும் அடியெடுத்து வைத்துள்ளார். பேட் கேர்ள் என்ற புதிய திரைப்படத்தில் அவர் நடிக்க ஒப்பந்தமாகி உள்ளார். இந்த ரீ-என்ட்ரி அவருடைய ரசிகர்களுக்கு மிகுந்த மகிழ்ச்சியைக் கொடுத்துள்ளது.
இப்படத்தில் சாந்தி பிரியா முக்கியமான வேடத்தில் நடிப்பதாகத் தகவல்கள் வெளியாகி உள்ளன. நீண்ட இடைவெளிக்குப் பிறகு சினிமாவுக்கு திரும்பியுள்ளதால், அவருடைய நடிப்பு ரசிகர்களிடையே புதிய எதிர்பார்ப்பை ஏற்படுத்தியுள்ளது.
