சென்னை: பாட்டல் ராதா படத்தின் டீசர் வெளியாகியுள்ளது. இந்த டீசரை நடிகர் சிலம்பரசன் மற்றும் நடிகர் ஆர்யா தங்களது எக்ஸ் பக்கத்தில் வெளியிட்டுள்ளனர்.
இயக்குநராக மட்டுமின்றி நீலம் என்று அமைப்பைத் தொடங்கி சமூக அக்கறை கொண்ட திரைப்படங்களை தயாரித்து வருகிறார் பா.ரஞ்சித். இதுவரை நீலம் தயாரிப்பு நிறுவனத்தின் மூலம், பரியேறும் பெருமாள், இரண்டாம் உலகப்போரின் கடைசி குண்டு, ரைட்டர், ஜே – பேபி, ப்ளூ ஸ்டார் உள்ளிட்ட படங்களை தயாரித்துள்ளார். இடையில் நீலம் தயாரிப்பில் பா.ரஞ்சித் இயக்கத்தில் வெளியான நட்சத்திரம் நகர்கிறது படம் பேசுபொருளாக மாறியது.
தொடர்ந்து, இயக்குநர் பா.ரஞ்சித் தயாரிப்பில் தினகரன் சிவலிங்கம் இயக்கும் புதிய படத்தின் பர்ஸ்ட் லுக் போஸ்டர் சில நாட்களுக்கு முன் வெளியானது. இப்படத்திற்கு ‘பாட்டல் ராதா’ என பெயர் வைக்கப்பட்டுள்ளது.
இப்படத்தில் குரு சோமசுந்தரம், சஞ்சனா நடராஜன், ஜான் விஜய் உள்ளிட்ட பலர் நடிக்கின்றனர். ஷான் ரோல்டன் இசையமைக்கிறார். இப்படம் மகிழ்ச்சி, மற்றும் பொழுதுபோக்கு நிரம்பிய எமோஷனல் ரோலர் கோஸ்டாராக இந்த படம் இருக்கும் என்றும் கூறப்பட்டுள்ளது.
இந்நிலையில், பாட்டல் ராதா படத்தின் டீசர் வெளியாகியுள்ளது. இந்த டீசரை நடிகர் சிலம்பரசன் மற்றும் நடிகர் ஆர்யா தங்களது எக்ஸ் பக்கத்தில் வெளியிட்டுள்ளனர்.
