சென்னை: நடிகர் மணிகண்டன் நடித்துள்ள படத்தின் ஃபர்ஸ்ட் லுக்கை நடிகர் சிம்பு வெளியிட்டுள்ளார். இது நகைச்சுவையான குடும்ப பொழுதுபோக்கு திரைப்படமாக அமையும் என எதிர்பார்க்கப்படுகிறது.
மணிகண்டன் நடிப்பில் கடந்த ஆண்டு வெளியான குட் நைட் மற்றும் லவ்வர் ஆகிய இரண்டு திரைப்படங்களும் மக்களிடம் நல்ல வரவேற்பை பெற்று வணிக ரீதியிலும் அது வெற்றிப்படமாக அமைந்தது.
தொடர்ந்து அடுத்ததாக ராஜேஷ்வர் காளிசாமி இயக்கத்தில் மணிகண்டன் குடும்பஸ்தன் படத்தில் நடித்துள்ளார். இவர் இதற்கு முன் நக்கலைட்ஸ் யூடியூப் சேனலில் இயக்குனராக இருந்தவர். இதுவே இவர் இயக்குனராக அறிமுகமாகும் முதல் திரைப்படமாகும்.
தெலுங்கு நடிகை சான்வி மேகனா இப்படத்தில் கதாநாயகியாக நடித்துள்ளார். இதன் மூலம் அவர் தமிழ் திரையுலகிற்கு அறிமுகமாகவுள்ளார். இவர்களுடன் குரு சோமசுந்தரம் முக்கிய கதாப்பாத்திரத்தில் நடித்துள்ளார்.
படத்தின் ஃபர்ஸ்ட் லுக்கை நடிகர் சிம்பு வெளியிட்டுள்ளார். இது நகைச்சுவையான குடும்ப பொழுதுபோக்கு திரைப்படமாக அமையும் என எதிர்பார்க்கப்படுகிறது. படத்தின் போஸ்டரில் மணிகண்டன் ஒரு மிடில் கிளாஸ் ஆண்மகன் செய்யும் அனைத்து வேலைகளையும் ஒற்றையாளாக செய்வதுப் போல் சுமையாக இருக்கும் காட்சி அமைந்துள்ளது.
சினிமாகாரன் நிறுவனம் இப்படத்தை தயாரித்துள்ளது. சுஜித் சுப்பிரமணியன் ஒளிப்பதிவு மேற்கொள்ள, வைசாக் இசையமைத்துள்ளார்.
