பிரபல நடிகையும் பாடகியுமான ஸ்ருதிஹாசனின் ட்விட்டர் (இப்போது எக்ஸ்) பக்கம் ஹேக் செய்யப்பட்டுள்ளதாகத் தகவல் வெளியாகியுள்ளது. இந்த தகவலை அவரே தன் இன்ஸ்டாகிராம் பக்கத்தில் உறுதி செய்துள்ளார். தனது ட்விட்டர் பக்கம் தற்போது தன்னுடைய கட்டுப்பாட்டில் இல்லையெனவும், அங்கிருந்து வெளியான எந்தவொரு பதிவுக்கும், மெசேஜுக்கும் ரசிகர்கள் பதிலளிக்க வேண்டாமெனவும் வேண்டுகோள் விடுத்துள்ளார்.
இது பலருக்கும் அதிர்ச்சியாக இருந்தாலும், கடந்த காலங்களில் கூட இந்த மாதிரி பல திரை பிரபலங்களின் சமூக வலைதள கணக்குகள் ஹேக் செய்யப்பட்ட சம்பவங்கள் நடந்துள்ளன. கார்த்தி, குஷ்பூ, காயத்ரி உள்ளிட்ட பலரது கணக்குகளும் ஹேக் செய்யப்பட்டிருக்கின்றன. இது போன்ற தாக்குதல்களால் பிரபலங்கள் மிகுந்த அவலத்தில் உள்ளனர்.
தொழில்நுட்ப வளர்ச்சியின் பக்கவிளைவாக இந்த ஹேக்கிங் சம்பவங்கள் நடந்தாலும், இதை முற்றிலும் கட்டுப்படுத்த வேண்டியது அவசியம் என்றெல்லாம் பிரபலங்கள் வலியுறுத்தி வருகின்றனர். ரசிகர்களுடன் நேரடியாக உரையாடும் ஒரு வாயிலாக சமூக வலைத்தளங்களைப் பயன்படுத்தும் பிரபலங்களுக்கு இது மிகுந்த பாதிப்பை ஏற்படுத்தும்.
ஸ்ருதிஹாசன், ட்விட்டர் பக்கம் வழியாக தனது ரசிகர்களுடன் அடிக்கடி தொடர்பில் இருக்கிறார். அவரது கணக்கு ஹேக் செய்யப்பட்டதைத் தொடர்ந்து, ரசிகர்கள் மிகவும் வருந்தி வருகிறார்கள். இருப்பினும், அவர் விரைவில் தனது கணக்கை மீண்டும் பெற்று, பழைய மாதிரியாக இணையத்தில் ரசிகர்களுடன் பேசுவாரென எதிர்பார்க்கப்படுகிறது.
தற்போது ஸ்ருதிஹாசன் தமிழ், தெலுங்கு, ஹிந்தி என பல மொழிப் படங்களில் பிஸியாக நடித்து வருகிறார். ரஜினிகாந்துடன் கூலி படத்தில் முக்கிய கதாபாத்திரத்தில் நடித்துள்ளார். மேலும் விஜய் சேதுபதியின் ட்ரெயின் மற்றும் பான் இந்திய சலார் 2 படத்திலும் நடிக்கவுள்ளதாக செய்திகள் வந்துள்ளன.
அதோடு, அவர் ஒரு பாடகியாகவும் தொடர்ந்து சிறப்பாக செயல்பட்டு வருகிறார். சமீபத்தில் தனது தந்தையான கமல்ஹாசனின் தக்லாப் படத்தில் ‘விண்வெளி நாயகன்’ என்ற பாடலை பாடி ரசிகர்களிடம் நல்ல வரவேற்பை பெற்றிருந்தார்.
